1 Samuel 10:3 - Yn Vible Casherick 1775 1819

³ Eisht heu er dty hoshiaght veih shen, as hig oo gys thalloo-rea Tabor, as ayns shen hig three deiney dty whail goll seose dy hirveish Jee gys Beth-el, fer jeu cur lesh three mannanyn, fer elley three bwilleenyn arran, as yn er elley boteil feeyney:

1 Samuel 10:3 ပူးပေါင်းရင်းမြစ်များ

Genesis 28:19

As denmys eh yn ynnyd shen Beth-el: agh va’n ard-valley shen enmyssit Luz ec y toshiaght.

Genesis 28:22

As bee yn chlagh shoh, ta mee er hoiaghey son pillar, thie Yee: as jeh ooilley ny ver oo dou, son shickyrys, ver-yms dhyt’s y jaghee.

Genesis 35:1

As dooyrt Jee rish Jacob, Trog ort, gow seose gys Beth-el, as jean cummal ayns shen: as trog altar ayns shen, da Jee haink kionfenish dhyt, tra v’ou er-chea veih eddin Esau dty vraar.

Genesis 35:3

As lhig dooin troggal orrin, as goll seose gys Beth-el; as neem’s altar y hroggal ayns shen gys Jee, ren feaysley orrym ayns laa my heaghyn trome, as va mârym ayns y raad va mee goll,

Psalmyn 89:12

Ta ny niaughyn lhiat’s, lhiat’s myrgeddin yn thalloo: t’ou er hoiaghey undin y seihll runt, as ooilley ny t’ayn.

Jeremiah 32:8

Myr shen haink Hanameel, mac my naim, hym, ayns cooyrt y phryssoon, rere goo yn Chiarn, as dooyrt eh rhym, Kionnee my vagher, ta mee guee ort, ta ayns Anathoth, ayns cheer Venjamin: son ta’n cairys eiraght aynyd’s, as lhiat’s ta’n feaysley; kionnee eh dhyt hene. Eisht hoig mee dy nee goo yn Chiarn va shoh.

Leviticus 1:10

As my vees y chebbal echey jeh ny shioltaneyn, ta shen, jeh ny kirree, ny jeh ny goair, son oural-losht; ver eh lesh eh fyrrynagh fegooish lheamys.

Leviticus 23:13

As bee’n oural-arran echey hoght chaart dy flooyr meein lesh ooil ny chione, oural jeant lesh aile gys y Chiarn, son soar millish: as bee’n oural-jough echey dy feeyn, yn chiarroo ayrn jeh hin [ny mysh kaart].

Leviticus 3:12

As my ta’n oural echey goayr, eisht nee eh chebbal eh kiongoyrt rish y Chiarn.

Leviticus 3:6

As my vees y chebbal echey jeh’n chioltane, fyrryn ny bwoirryn, son toyrtys casherick dy oural-shee gys y Chiarn, nee eh chebbal eh gyn lheamys.

Leviticus 7:13

Marish ny keeakyn, nee eh chebbal son yn oural echey, arran soorit, lesh oural-booise e hebballyn-shee.

Joshua 19:12

As hyndaa eh shiar veih Sarid lesh irree ny greïney, gys cagliagh Chisloth-tabor, as eisht goll magh gys Daberath, as seose gys Japhia,

Joshua 19:22

As ta’n chagliagh roshtyn gys Tabor, as Shahazimah, as Beth-shemesh; as va kione nyn gagliagh ec Jordan: shey ard-valjyn jeig, marish nyn maljyn-beggey.

Briwnyn 20:18

As dirree cloan Israel, as hie ad seose gys thie Yee, dy hirrey coyrle er Jee, as dooyrt ad; Quoi hed seose hoshiaght dy chaggey noi cloan Venjamin? as dooyrt y Chiarn, Judah hed seose hoshiaght.

Briwnyn 20:23

(As hie cloan Israel seose, as ren ad dobberan fenish y Chiarn, derrey’n astyr, as hir ad coyrle jeh’n Chiarn, gra, Jem seose reesht dy chaggey noi cloan Venjamin my vraar? As dooyrt y Chiarn, Gow seose n’oï.)

Briwnyn 20:27

As ren cloan Israel shirrey coyrle veih’n Chiarn, (son shen y raad va arg conaant Yee, ayns ny laghyn shoh;

Briwnyn 4:12

As dinsh ad da Sisera dy row Barak mac Abinoam er n’gholl seose gys slieau Tabor.

Briwnyn 4:6

As hug ee chaghteraght gys Barak mac Abinoam veih Kedesh-naphtali, as dooyrt ee rish, Nagh vel y Chiarn Jee Israel er harey, gra, Immee, as tayrn gys slieau Tabor, as gow mayrt jeih thousane dooinney jeh cloan Naphtali, as jeh cloan Zebulun?

Briwnyn 8:18

Eisht dooyrt eh rish Zebah as Zalmunna, Cre’n mec deiney v’ad shen ren shiu y varroo ee Tabor? As dreggyr ad, Myr t’ou uss, shen myr v’adsyn; va dagh fer jeu, dy yeeaghyn orroo, goll-rish cloan ree.

1 Samuel 10:4

As nee ad dty vannaghey, as ver ad dhyt daa willeen arran, nee oo y ghoaill veih nyn laueyn.