1 Samuel 10:27 - Yn Vible Casherick 1775 1819

²⁷ Agh dooyrt cloan Velial, Kys nee ’n dooinney shoh shinyn y livrey? As hoie ad beg jeh, as cha dug ad lhieu gioot erbee huggey: agh cha lhig eh monney er.

1 Samuel 10:27 ပူးပေါင်းရင်းမြစ်များ

2 Samuel 20:1

As haghyr dooinney dy ve ayns shen, dooinney dy Velial, as yn ennym echey Sheba, mac da Bichri, ny Venjamite; as heid eh trumpet, as dooyrt eh, Cha vel ayrn erbee ainyn ayns David, chamoo ta eiraght ain ayns mac Jesse: dy chooilley ghooinney gys e hie hene, O Israel.

2 Samuel 8:2

As woaill eh Moab, as howse eh yn cheer oc lesh line, lhieggal ny ard-valjyn gys y thalloo: eer lesh daa line ren eh ad y rheynn son baase, as lesh un line slane son bioys: as shoh myr haink ny Moabiteyn dy ve fo reill Ghavid, as v’ad fo keesh.

1 Reeaghyn 10:25

As hug ad lhieu dagh dooinney e yiootyn, siyn argid, as siyn airh, as coamraghyn, as eilley-caggee, as spiceyn, cabbil, as muleyn, kuse cour ny bleeaney.

1 Reeaghyn 4:21

As ren Solomon reill harrish dy chooilley reeriaght veih’n awin gys cheer ny Philistinee, as gys cagliagh Egypt: hug ad lhieu giootyn, as hirveish ad Solomon ooilley laghyn e vea.

1 Reeaghyn 5:1

As hug Hiram ree Tyre e harvaantyn er chaghteraght gys Solomon; (son v’eh er chlashtyn dy row ad er ooilaghey eh ny ree ayns ynnyd e ayr;) son va Hiram rieau ny charrey da David.

2 Recortyssyn 13:7

As t’eh er haglym huggey deiney eddrym cloan Velial, ta er niartaghey ad-hene noi Rehoboam mac Solomon, tra va Rehoboam aeg, as lhag-chreeagh, as nagh voddagh eh shassoo nyn ’oï.

2 Recortyssyn 17:5

Shen-y-fa ren y Chiarn yn reeriaght y niartaghey ayns e laue, as hug ooilley Judah lhieu gys Jehoshaphat giootyn, dy ren eh bishaghey dy mooar ayns berchys as ooashley.

Psalmyn 38:13

Er my hon’s va mee myr dooinney bouyr nagh row clashtyn: as myr fer ta balloo, nagh vel fosley e veeal.

Psalmyn 72:10

Reeaghyn Tarshish as ny ellanyn ver ad lhieu toyrtyssyn: ver reeaghyn Arabia as Saba lhieu giootyn.

Ecclesiastes 7:21

Myrgeddin, ny cur geill da dy chooilley ockle t’er ny loayrt; er-aggle dy glin oo dty harvaant loayrt dy olk jeed.

Isaiah 36:21

Agh v’ad nyn dhost, as cha dug ad fockle dy ansoor da: son va sarey yn ree, gra, Ny cur-jee ansoor da.

Noo Mian 2:11

As goll stiagh ’sy thie, hooar ad y lhiannoo marish Moirrey e voir, as gliooney sheese, hug ad ooashley da: as fosley ny tashtaghyn oc, heb ad giootyn da; airh, as frankincense, as myrrh.

Jannoo 7:35

Yn Moses shoh ren adsyn y obbal, gra, Quoi ren uss dty er-reill as dty vriw? Eh shoh hug Jee dy ve ny er-reill as dy choyrt livrey-ys liorish laueyn yn ainle honnick eh ayns y thammag.

Deuteronomy 13:13

Ta lheid ny deiney shen, cloan Velial, er n’gholl magh veih ny mast’ eu, as er hayrn ersooyl cummaltee yn ard-valley oc, gra, Lhig dooin goll, as shirveish jeeghyn elley (nagh bione diu)

1 Samuel 11:12

As dooyrt y pobble rish Samuel, Quoi eh ren gra, Nee Saul reillys harrin? cur-jee lhieu ny deiney shen, dy vod mayd y choyrt gy-baase ad.

1 Samuel 11:13

As dooyrt Saul, Cha bee dooinney er ny choyrt gy-baase y laa shoh: son jiu ta’n Chiarn er n’obbraghey livrey-ys mooar da Israel.

1 Samuel 16:20

As ghow Jesse lught assyl dy arran, as boteil feeyney, as mannan, as hug eh ad lesh David e vac gys Saul.

1 Samuel 2:12

Nish va mec Eli mec Velial; cha row aggle y Chiarn orroo.

1 Samuel 25:17

Nish er-y-fa shen, gow coyrle, as smooinee cre share dhyt jannoo: son ta olk kiarit noi nyn mainshtyr, as noi ooilley e hie: son t’eh lheid y mac shen dy Velial, nagh vod dooinney loayrt rish.