1 Samuel 10:25 - Yn Vible Casherick 1775 1819

²⁵ Eisht dinsh Samuel da’n pobble cre’n aght veagh stayd y reeriaght, as ren eh scrieu eh ayns lioar, as hasht eh seose eh ayns cabbane-agglish y Chiarn. As hug Samuel ooilley yn pobble ersooyl, dy chooilley ghooinney gys e hie hene.

1 Samuel 10:25 ပူးပေါင်းရင်းမြစ်များ

2 Reeaghyn 11:17

As ren Jehoiada conaant eddyr y Chiarn, as y ree, as y pobble, dy beagh ad pobble y Chiarn; eddyr y ree myrgeddin as y pobble.

Deuteronomy 31:26

Gow-jee’n lioar shoh jeh’n leigh, as cur-jee eh ayns lhiattee arg conaant y Chiarn nyn Yee, dy vod eh ve ayns shen, son feanish dt’oï.

1 Timothy 2:2

Son reeaghyn, as son ocsyn ooilley ta ayns ard-reill; dy vod mayd leeideil bea feagh as sheeoil ayns dy chooilley chraueeaght as ynrickys.

Titus 3:1

Cur ad ayns cooinaghtyn dy ve biallagh gys ard-reiltee as pooaraghyn, dy ve ammyssagh da fir-oik, dy ve arryltagh gys dy chooilley obbyr vie,

Joshua 22:6

Myr shoh ren Joshua ad y vannaghey, as hug eh ad ersooyl: as hie ad gys nyn gummallyn.

1 Samuel 11:14

Eisht dooyrt Samuel rish y pobble, Tar-jee, as lhig dooin goll gys Gilgal, as y reeriaght y hickyraghey ass-y-noa ayns shen.

1 Samuel 8:9

Nish er-y-fa shen, cur raad da nyn yeearree: agh ec y traa cheddin cur dty vriwnys dy foshlit nyn ’oï, as cur toiggal daue cre’n aght nee’n ree dellal roo vees reill harrystoo.