1 Samuel 10:20 - Yn Vible Casherick 1775 1819

²⁰ As tra doardee Samuel ooilley tribeyn Israel dy heet kionfenish, huitt y lot er tribe Venjamin.

1 Samuel 10:20 ပူးပေါင်းရင်းမြစ်များ

2 Samuel 3:19

As loayr Abner myrgeddin ayns clashtyn Venjamin: as hie Abner myrgeddin dy hoilshaghey da David ayns Hebron ooilley aigney-mie Israel huggeysyn, as aigney-mie slane thie Venjamin.

Jonah 1:7

As dooyrt ad, dagh fer rish e heshey, Tar-jee, as lhig dooin lottyn y hayrn, dy vod fys y ve ain, quoi by-chyndagh ta’n olk shoh er jeet orrin. Myr shen hilg ad lottyn, as huitt y lot er Jonah.

Deuteronomy 33:12

As mychione Benjamin dooyrt eh, Nee eshyn shynney lesh y Chiarn cummal dy sauchey liorish; as nee’n Chiarn eshyn y choodaghey fey-ny-laa, as fendeil eh eddyr e gheayltyn.

1 Samuel 10:19

As ta shiuish yn laa jiu er hyndaa cooyl rish yn Jee eu, ren shiu y livrey ass ooilley nyn arkys as seaghyn: as dooyrt shiu rish, Cha nee myr shen; agh cur dooin ree dy reill harrin. Nish er-y-fa shen, shass-jee fenish y Chiarn cordail rish ny tribeyn, as ny thousaneyn eu.

1 Samuel 10:21

Tra v’eh er choyrt er tribe Venjamin dy heet kionfenish lurg nyn lught-thie, huitt y lot er lught-thie Matri, as haink y lot magh er Saul mac Kish: as tra yeeagh ad er e hon, cha row eh ry-gheddyn.

1 Samuel 14:38

As dooyrt Saul, Tayrn-jee er-gerrey ooilley shiuish ard-gheiney’n pobble: as lhig dooin briaght as fakin; quoi by-chyndagh rish y peccah shoh jiu:

1 Samuel 14:41

Eisht dooyrt Saul rish y Chiarn Jee Israel, Cur dooin cowrey cronnal. As haink y cowrey magh er Saul as Jonathan: agh va’n pobble er nyn seyrey.