1 Samuel 10:19 - Yn Vible Casherick 1775 1819

¹⁹ As ta shiuish yn laa jiu er hyndaa cooyl rish yn Jee eu, ren shiu y livrey ass ooilley nyn arkys as seaghyn: as dooyrt shiu rish, Cha nee myr shen; agh cur dooin ree dy reill harrin. Nish er-y-fa shen, shass-jee fenish y Chiarn cordail rish ny tribeyn, as ny thousaneyn eu.

1 Samuel 10:19 ပူးပေါင်းရင်းမြစ်များ

Raaghyn Creeney 16:33

Ta ny lottyn ceaut ayns yn ught: agh ta’n slane reill oc veih’n Chiarn.

Micah 5:2

Agh uss, Veth-lehem Ephratah, myr s’fardalagh oo mastey thousaneyn Yudah, ny-yeih assyd hig magh hym ESHYN ta dy ve yn ard-reiltagh ayns Israel: ta’n goll-magh echey er ny ve er-dy-rieau, veih earishyn dy bragh farraghtyn.

Earrooyn 11:20

Agh son slane mee, derrey hig eh magh er ny stroanyn eu, as dy bee eh feohdoil diu; son dy vel shiu er hoiaghey beg jeh’n Chiarn ta ny mast’ eu, as er cheayney kiongoyrt rish, gra, Cre’n-fa haink shin magh ass Egypt?

Earrooyn 17:2

Loayr rish cloan Israel, as gow voish dagh dooinney jeu slattag, rere thie nyn ayrey, as veih ooilley ny princeyn oc, cordail rish thie nyn ayrey, daa latt jeig: scrieu uss ennym dagh dooinney er e latt.

Deuteronomy 17:14

Tra vees oo er jeet gys y cheer ta’n Chiarn dty Yee dy choyrt dhyt, as tra vees oo ayns possession jeh, as cummal ayn, as oo dy ghra, Soie-ym seose ree harrym, myr t’ec ooilley ny ashoonyn ta mygeayrt-y-moom:

Joshua 24:1

As haggil Joshua ooilley tribeyn Israel gys Shiloh, as deïe eh er shanstyr Israel, as er ny ard-gheiney, as er ny briwnyn, as er ny fir-oik; as haink ad fenish Yee.

Briwnyn 8:23

As dooyrt Gideon roo, Cha jean-yms reill harrishdiu, chamoo nee my vac reill harrishdiu: yn Chiarn reillys harrishdiu.

1 Samuel 10:20

As tra doardee Samuel ooilley tribeyn Israel dy heet kionfenish, huitt y lot er tribe Venjamin.

1 Samuel 12:12

As tra honnick shiu dy daink Nahash ree cloan Ammon nyn ’oï, dooyrt shiu rhym, Cha jean shoh mie; agh ree vees ain harrin; tra va’n Chiarn Jee hene nyn ree.

1 Samuel 14:23

Myr shoh ren y Chiarn Israel y hauail yn laa cheddin: as hie ad er nyn doshiaght caggey choud’s Beth-aven.

1 Samuel 14:38

As dooyrt Saul, Tayrn-jee er-gerrey ooilley shiuish ard-gheiney’n pobble: as lhig dooin briaght as fakin; quoi by-chyndagh rish y peccah shoh jiu:

1 Samuel 3:21

As haink y Chiarn reesht kionfenish ayns Shiloh: son ren y Chiarn eh-hene y hoilshaghey da Samuel ayns Shiloh, liorish goo’n Chiarn.

1 Samuel 4:1

As va aigney’n Chiarn er ny hoilshaghey liorish Samuel da ooilley Israel. Nish hie Israel magh dy chaggey noi ny Philistinee, ren ad campal liorish Eben-ezer; as ren ny Philistinee campal ayns Aphek.

1 Samuel 8:19

Ny-yeih, dob y pobble dy choyrt biallys da coyrle Samuel; as dooyrt ad, Cha jean eh mie; agh ree vees ain harrin;

1 Samuel 8:5

As dooyrt ad rish, Cur-my-ner, t’ou uss shenn, as cha vel dty vec shooyl ayns dty raaidyn: cur dooin nish ree dy vriwnys shin myr t’ec dy chooilley ashoon elley.