1 Samuel 10:18 - Yn Vible Casherick 1775 1819

¹⁸ As dooyrt eh rish cloan Israel, Myr shoh ta’n Chiarn Jee Israel gra, Hug mee lhiam Israel seose ass Egypt, as livrey mee shiu veih ny Egyptianee, as veih pooar dy chooilley reeriaght, as vouesyn ren tranlaase erriu:

1 Samuel 10:18 ပူးပေါင်းရင်းမြစ်များ

Exodus 29:46

As bee fys oc dy nee mish y Chiarn y Jee oc, hug lhiam ad magh ass cheer Egypt, dy chummal ny mast’ oc: Mish y Chiarn y Jee oc.

Earrooyn 10:9

As my hed shiu gys caggey ayns y cheer eu hene, noi’n noid ta jannoo tranlaase erriu, eisht nee shiu sheidey larm-caggee lesh ny trumpetyn; as nee’n Chiarn y Jee eu cooinaghtyn erriu, as bee shiu er nyn sauail veih nyn noidyn.

Briwnyn 2:1

As haink ainle y Chiarn seose veih Gilgal gys Bochim, as dooyrt eh, Hug mee lhiam shiu ass Egypt, as er leeideil shiu gys y cheer ren mee gialdyn da ny ayraghyn eu; as dooyrt mee, Cha brish-ym dy bragh my chonaant riu.

1 Samuel 12:8

Tra va Jacob er jeet gys Egypt, as nyn ayraghyn er n’eamagh gys y Chiarn, eisht hug y Chiarn Moses as Aaron, hug lhieu magh nyn ayraghyn ass Egypt, as hug eh cummal daue ’sy cheer shoh.