1 Samuel 10:16 - Yn Vible Casherick 1775 1819

¹⁶ As dooyrt Saul rish e naim, Dinsh eh dooin dy firrinagh dy row ny assylyn er ny gheddyn. Agh jeh cooish y reeriaght, my-e-chione loayr Samuel rish, cha loayr eh fockle.

1 Samuel 10:16 ပူးပေါင်းရင်းမြစ်များ

Exodus 4:18

As jimmee Moses, as hie eh reesht gys Jethro e ayr-’sy-leigh, as dooyrt eh rish; Lhig y raad dou, ta mee guee ort, dy hyndaa reesht gys my vraaraghyn t’ayns Egypt; dy yeeaghyn vel ad foast bio. As dooyrt Jethro rish Moses, Immee, as shee dy row mayrt.

Raaghyn Creeney 12:23

Ta dooinney toiggalagh keiltyn tushtey, agh ta cree ny mee-chrauee fockley magh ommijys.

Raaghyn Creeney 29:11

Ta’n ommydan fockley magh ooilley e aigney: agh ta persoon creeney dy chummal sthie eh gys traa cooie.

Ecclesiastes 3:7

Traa dy rassey, as traa dy whaaley: traa dy ve tostagh, as traa dy loayrt:

Briwnyn 14:6

As haink Spyrryd y Chiarn dy niartal er; as raip eh eh myr raipagh eh mannan, as cha row veg echey ny laue: agh cha dinsh eh da e ayr ny e voir cre v’eh er n’yannoo.

Briwnyn 14:9

As ghow eh jeh ayns e laueyn, as hie eh er y raad gee, as haink eh gys e ayr as e voir, as hug eh dauesyn, as ren ad gee: agh cha dinsh eh daue dy row eh er ghoaill y vill ass convayrt y lion.

1 Samuel 10:15

As dooyrt naim Saul, Insh dou, ta mee guee ort, cre dooyrt Samuel riu.

1 Samuel 9:20

As er son dty assylyn va caillit three laa er-dy-henney, ny bee ayns imnea erbee; son t’ad er ny gheddyn. As quoi er ta ooilley yeearree Israel? nagh nee ort’s te, as er ooilley thie dt’ayrey?

1 Samuel 9:27

As myr v’ad goll sheese ec kione yn ard-valley, dooyrt Samuel rish Saul, Abbyr rish y yuilley goll er e hoshiaght roïn, (as hie eh er e hoshiaght,) agh fuirree uss tammylt ayns shoh, dy voddym soilshaghey dhyt goo’n Chiarn.