1 Samuel 10:1 - Yn Vible Casherick 1775 1819

¹ Eisht ghow Samuel boteil dy ooil, as gheayrt eh eh er e chione, as phaag eh eh, as dooyrt eh, Nagh vel eh er-yn-oyr dy vel y Chiarn er dty ooilaghey dy ve captan harrish e eiraght?

1 Samuel 10:1 ပူးပေါင်းရင်းမြစ်များ

2 Samuel 1:14

As dooyrt David rish, Cammah, nagh row aggle ort dy heeyney magh dty laue dy stroie fer-ooilit y Chiarn?

2 Samuel 19:39

As hie ooilley’n pobble harrish Jordan, as tra va’n ree er gheddyn harrish, ren y ree paagey Barzillai, as vannee eh eh; as hyndaa eh gys e hie hene.

2 Samuel 20:19

Ta mish unnane jeusyn ta sheeoil as firrinagh ayns Israel: t’ou shirrey stroie ard-valley, as moir balley ayns Israel: cre’n-fa nee oo sluggey seose eiraght y Chiarn?

2 Samuel 5:2

Myrgeddin roish nish, tra va Saul ny ree harrin, uss va ard-leeideilagh Israel: as dooyrt y Chiarn rhyt’s, Bee uss bochilley er my phobble Israel, as bee uss dty ard-chaptan harrish Israel.

1 Reeaghyn 1:34

As lhig Zadok yn saggyrt as Nathan y phadeyr ooilaghey eh ayns shen ny ree er Israel: as sheid-jee yn trumpet, gra, Dy saue Jee ree Solomon.

1 Reeaghyn 19:18

Ny-yeih, ta mee er vaagail er-mayrn dou hene shiaght thousaneyn ayns Israel, ooilley ny glioonyn nagh vel er chroymmey gys Baal, as dy chooilley veeal nagh vel er phaagey eh.

2 Reeaghyn 20:5

Chyndaa reesht, as insh da Hezekiah, captan my phobble, Myr shoh ta’n Chiarn Jee Ghavid dty ayr gra, Ta mee er chlashtyn dty phadjer, ta mee er vakin dty yeïr: Cur-my-ner, neem’s uss y lheihys; as er y trass laa hed oo seose gys thie yn Chiarn.

2 Reeaghyn 9:1

As deïe Elisha er fer jeh cloan ny phadeyryn, as dooyrt eh rish, Cryss seose dty gharmad mysh dty veeghyn, as gow yn box shoh dy ooil ayns dty laue, as immee gys Ramoth-gilead.

2 Reeaghyn 9:12

As dooyrt ad, Te gyn-yss dooinyn: insh dooin nish. As dooyrt eh, Shoh as myr shoh loayr eh rhym’s, gra, Myr shoh ta’n Chiarn dy ghra, Ta mee er dty ooilaghey dy ve dty ree harrish Israel.

Psalmyn 135:4

As cre’n-oyr? ta’n Chiarn er reih Jacob da hene: as Israel son e eiraght hene.

Psalmyn 2:12

Cur-jee ooashley da’n Mac, nagh bee eh jymmoosagh, as myr shen shiu dy herraghtyn veih’n raad cair: my vees e chorree er ny vrasnaghey, (agh ny veggan;) bannit t’adsyn ooilley ta coyrt nyn dreishteil aynsyn.

Psalmyn 78:71

Reih eh myrgeddin David e harvaant: as ghow eh ersooyl eh veih ny bwoailtchyn keyrragh;

Exodus 30:23

Gow myrgeddin ard-spiceyn, jeh reih myrrh queig cheead shekel, as jeh cinnamon millish lieh wheesh eer daa cheead as jeih shekelyn as da-eed, as jeh calamus millish daa cheead as jeih shekelyn as da-eed.

Jeremiah 10:16

Cha vel eiraght Yacob goll roosyn: son she eshyn t’er chiaddey dy chooilley nhee; as ta Israel cronney e eiraght: Chiarn ny sheshaghtyn flaunyssagh yn ennym echey.

Ezekiel 16:13

Shoh myr v’ou soit magh lesh airh as argid, as va dty choamrey dy aanrit keyl, as sheeidey, as obbyr-snaidey; va dty veaghey flooyr meein, as mill, as ooil: as v’ou erskyn-towse aalin, as ren oo girree gys reeriaght.

Hosea 13:2

As nish t’ad jannoo peccah ny smoo as ny smoo, as t’ad er chummey daue hene jallooyn roit jeh nyn argid, as caslyssyn, reue yn cheeayll oc hene, ad ooilley obbyr ny fir-cheirdee. T’ad gra jeusyn, Lhig da ny deiney ta ouralley paagey ny jallooyn baagh.

Jannoo 13:21

As ny lurg shen yeearree ad ree: as hug Jee daue Saul mac Cis, dooinney jeh sheeloghe Benjamin, son da-eed bleïn.

Deuteronomy 32:9

Son lesh y Chiarn e phobble; ta Jacob cronney e eiraght.

1 Thessalonianee 5:26

Jean-jee ooilley ny braaraghyn y vannaghey lesh y phaag dy hee.

Hebrewnee 2:10

Son ve cooie dasyn, er e hon ta dy chooilley nhee, as liorish ta dy chooilley nhee, ayns cur lesh ymmodee mec gys gloyr, dy chasherickey captan nyn saualtys trooid surranse.

Ashlish 5:8

As tra v’eh er ghoaill y lioar, huitt ny kiare cretooryn as ny kiare shanstyryn as feed sheese fenish yn Eayn, as claasaghyn ec dagh unnane oc, as siyn airhey lane dy hoar millish ourallyn, ta padjeryn ny nooghyn.

1 Samuel 12:3

Cur-jee my-ner, ta mee ayns shoh: jean-jee feanish y ymmyrkey m’oï kiongoyrt rish y Chiarn, as kiongoyrt rish e er-ooilit: quoi veih ta mee er ghoaill dow? ny quoi veih ta mee er ghoaill assyl? ny quoi ta mee er volley? ny quoi er ta mee er n’yannoo tranlaase? ny quoi veih ta mee er ghoaill leagh erbee dy gholley my hooillyn lesh? as nee’m lhiasaghey diu er y hon.

1 Samuel 13:14

Agh nish cha bee dty reill agh giare: ta’n Chiarn er reih da dooinney lurg e chree hene, as ta’n Chiarn er phointeil eh ny chaptan harrish e phobble, er-yn-oyr nagh vel oo er vreaylley shen ny ren y Chiarn dty harey.

1 Samuel 15:1

Dooyrt Samuel myrgeddin rish Saul, Hug y Chiarn mish dy dty ooilaghey dy ve dty ree harrish e phobble Israel: nish er-y-fa shen eaisht rish coraa goan y Chiarn.

1 Samuel 15:17

As dooyrt Samuel, Tra v’ou imlee ayns dty hooillyn hene, nagh r’ou jeant yn ard-chaptan er tribeyn Israel, as ren y Chiarn uss y ooilaghey dy ve dty ree harrish Israel?

1 Samuel 16:1

As dooyrt y Chiarn rish Samuel, Caïd nee oo dobberan son Saul, fakin dy vel mish er yiooldey rish veih reill harrish Israel? Lhieen dty eairk lesh ooil, as immee; ver-yms oo gys Jesse yn Beth-lehemite: son ta mee er chiarail dou hene ree mastey e vec.

1 Samuel 16:13

Eisht ghow Samuel yn eairk dy ooil, as ren eh eh y ooilaghey er-lheh veih e vraaraghyn: as haink Spyrryd y Chiarn er David veih’n laa shen magh. Myr shen dirree Samuel, as hie eh gys Ramah.

1 Samuel 2:10

Bee noidyn y Chiarn brisht dy peeshyn: veih niau nee eh taarnaghey orroo: nee’n Chiarn briwnys ardjyn sodjey magh y theihll; as ver eh niart da e ree, as troggee eh dy ard eairk e er-ooilit.

1 Samuel 24:6

As dooyrt eh rish e gheiney, Ny lhig y Chiarn dy jinnin’s yn red shoh y yannoo rish my vainshtyr, ree ooilit y Chiarn, dy heeyney magh my laue n’oï, fakin dy vel eh fer-ooilit y Chiarn.

1 Samuel 26:11

Ny lhig y Chiarn dy jinnin’s my laue y heeyney magh noi ree ooilit y Chiarn: agh nish, ta mee guee ort, gow uss yn shleiy t’ec e chione, as y saagh ushtey; as lhig dooin goll roïn.

1 Samuel 26:9

As dooyrt David rish Abishai, Ny marr eh: son quoi oddys e laue y heeyney magh noi ree ooilit y Chiarn, as ve gyn loght?

1 Samuel 8:19

Ny-yeih, dob y pobble dy choyrt biallys da coyrle Samuel; as dooyrt ad, Cha jean eh mie; agh ree vees ain harrin;

1 Samuel 8:9

Nish er-y-fa shen, cur raad da nyn yeearree: agh ec y traa cheddin cur dty vriwnys dy foshlit nyn ’oï, as cur toiggal daue cre’n aght nee’n ree dellal roo vees reill harrystoo.

1 Samuel 9:16

Mairagh, mysh y traa shoh, ver-yms hood dooinney ass cheer Venjamin; as nee oo eshyn y ooilaghey dy ve captan er my phobble Israel, dy vod eh sauail my phobble ass laue ny Philistinee: son ta mee er yeeaghyn er my phobble, er-yn-oyr dy vel yn accan oc er jeet kiongoyrt rhym.

1 Samuel 9:27

As myr v’ad goll sheese ec kione yn ard-valley, dooyrt Samuel rish Saul, Abbyr rish y yuilley goll er e hoshiaght roïn, (as hie eh er e hoshiaght,) agh fuirree uss tammylt ayns shoh, dy voddym soilshaghey dhyt goo’n Chiarn.