1 Samuel 1:8 - Yn Vible Casherick 1775 1819

⁸ Eisht dooyrt Elkanah e sheshey r’ee, Hannah, cre’n-fa t’ou keayney? as cre’n-fa nagh vel oo gee? as cre’n-fa ta dty chree seaghnit? nagh vel mish ny share dhyt na jeih mec?

1 Samuel 1:8 ပူးပေါင်းရင်းမြစ်များ

2 Reeaghyn 8:12

As dooyrt Hazael, Cre’n-fa, ta my hiarn keayney? As dreggyr eh, Er-yn-oyr dy vel fys aym cre’n olk ver uss lhiat er cloan Israel: ny ynnydyn lajer oc nee uss y lostey, as ny deiney aegey oc nee uss y varroo lesh y chliwe, as yn chloan oc nee uss y vransey, as giarey seose nyn mraane torragh.

Lioar Yob 6:14

Dasyn t’ayns seaghyn lhisagh erreeish ve er ny hoilshaghey liorish e charrey; agh ta eshyn cur cooyl rish aggle yn Ooilley-niartal.

Psalmyn 43:4

Dy voddym goll gys altar Yee, dy jarroo gys Jee my voggey as my yennallys: as er y chlaasagh ver-yms booise dhyt’s, O Yee, my Yee.

Isaiah 54:1

Gow arrane, O ven ghennish, uss nagh ren gymmyrkey cloan; brish magh ayns kiaulleeaght, as eïe dy ard, uss nagh row er-troailt: son ta foddey smoo dy chloan ecksh va treigit na t’ecksh ta sheshey eck, ta’n Chiarn dy ghra.

Isaiah 54:6

Son ta’n Chiarn er n’eamagh ort reesht, myr ben va treigit as seaghnit ayns spyrryd, as eer myr ben-phoost ayns e aegid, lurg dhyt ve obbit, ta dty Yee gra.

Noo Ean 20:13

As dooyrt ad r’ee, Ven, cre’n-fa t’ou keayney? Dooyrt ish roo, Er-yn-oyr dy vel ad er ghoaill ersooyl my Hiarn, as nagh s’aym c’raad t’ad er choyrt eh.

Noo Ean 20:15

Dooyrt Yeesey r’ee, Ven, cre’n-fa t’ou keayney? quoi t’ou dy hirrey? Heill ish dy nee yn gareyder v’ayn, as dooyrt ee rish, Vainshter, my t’ou er chur lhiat ass shoh eh, insh dou c’raad t’ou er choyrt eh, as goym ersooyl eh.

1 Thessalonianee 5:14

Nish ta shin guee erriu, vraaraghyn, cur-jee raaue dauesyn ta mee-reiltagh, jean-jee gerjaghey adsyn ta lhag-chreeagh, ymmyrk-jee lesh ny annooinee, bee-jee surransagh rish dy chooilley ghooinney.

Ruth 4:15

As dy ve dhyt’s son lhiurid bea, as gerjagh dty henn eash: son dty inneen-’sy-leigh ta graihagh ort, as ish ny share dhyt na shiaght mec, ta er n’ymmyrkey eh.

1 Samuel 1:7

As myr ren eh shoh dy chooilley vleïn, tra hie ad seose gys thie’n Chiarn, shoh myr ren ee brasnaghey ee; shen-y-fa cheayn ee, as cha goghe ee beaghey.