1 Samuel 1:7 - Yn Vible Casherick 1775 1819

⁷ As myr ren eh shoh dy chooilley vleïn, tra hie ad seose gys thie’n Chiarn, shoh myr ren ee brasnaghey ee; shen-y-fa cheayn ee, as cha goghe ee beaghey.

1 Samuel 1:7 ပူးပေါင်းရင်းမြစ်များ

Psalmyn 102:4

Ta my chree er vailleil as fioghit goll-rish faiyr: myr shen dy vel mee jarrood dy ee my arran.

Psalmyn 102:5

Kyndagh rish coraa my accan: s’coan nee my chraueyn lhiantyn gys m’eill.

Jeremiah 41:5

Dy daink shiartanse veih Shechem, veih Shiloh, as veih Samaria, eer kiare-feed dooinney, lesh nyn aasaagyn baarit, as nyn eaddagh raipit, as fuill roie orroo, lesh chebballyn as ourallyn incense nyn laue, dy choyrt lhieu ad gys altar y Chiarn.

1 Samuel 1:6

As ren ish va geadaghey mooee myrgeddin brasnaghey ee dy floutagh, gys sproght yn chree eck, er-yn-oyr, nagh row’n Chiarn er choyrt jee cloan.

1 Samuel 1:8

Eisht dooyrt Elkanah e sheshey r’ee, Hannah, cre’n-fa t’ou keayney? as cre’n-fa nagh vel oo gee? as cre’n-fa ta dty chree seaghnit? nagh vel mish ny share dhyt na jeih mec?

1 Samuel 2:1

As vrish Hannah magh ayns arrane-moyllee, as dooyrt ee, Ta my chree goaill boggey ayns y Chiarn; ta my chione er ny hroggal seose ayns y Chiarn; my veeal foddym nish fosley dy loayrt rish my noidyn; er-yn-oyr dy vel mee goaill slane boggey ayns dty haualtys.

1 Samuel 2:19

As ren e voir cooat beg da, as hug ee lh’ee eh huggey dy chooilley vleïn, tra haink ee seose marish e sheshey dy hebbal yn oural-bleeaney.