1 Samuel 1:6 - Yn Vible Casherick 1775 1819

⁶ As ren ish va geadaghey mooee myrgeddin brasnaghey ee dy floutagh, gys sproght yn chree eck, er-yn-oyr, nagh row’n Chiarn er choyrt jee cloan.

1 Samuel 1:6 ပူးပေါင်းရင်းမြစ်များ

Genesis 30:1

As tra honnick Rachel, nagh row cloan ee-hene rish Jacob, ren Rachel troo mysh e shuyr; as dooyrt ee rish Jacob, Cur cloan dou, er-nonney brish-ym my chree.

2 Samuel 6:23

Shen-y-fa, cha row lhiannoo ec Michal inneen Saul, choud’s v’ee bio.

Lioar Yob 24:21

T’eh cur drogh ghellal da’n ven ghennish nagh vel gymmyrkey; chamoo t’eh jannoo mie erbee da’n ven-treoghe.

Lioar Yob 6:14

Dasyn t’ayns seaghyn lhisagh erreeish ve er ny hoilshaghey liorish e charrey; agh ta eshyn cur cooyl rish aggle yn Ooilley-niartal.

Leviticus 18:18

Chamoo ghoys oo ben as e shuyr, dy choyrt seaghyn urree, dy phoosey ee, ayns lhing y chied ven.

Briwnyn 11:37

As dooyrt ee rish e ayr, Lhig da shoh ve jeant er my hon: Cur dou daa vee dy hraa, dy voddym goll noon as noal er ny sleityn, as dobberan stayd my voidynys, mish as my heshaghyn.

1 Samuel 1:7

As myr ren eh shoh dy chooilley vleïn, tra hie ad seose gys thie’n Chiarn, shoh myr ren ee brasnaghey ee; shen-y-fa cheayn ee, as cha goghe ee beaghey.

1 Samuel 2:1

As vrish Hannah magh ayns arrane-moyllee, as dooyrt ee, Ta my chree goaill boggey ayns y Chiarn; ta my chione er ny hroggal seose ayns y Chiarn; my veeal foddym nish fosley dy loayrt rish my noidyn; er-yn-oyr dy vel mee goaill slane boggey ayns dty haualtys.