1 Samuel 1:3 - Yn Vible Casherick 1775 1819

³ As hie yn dooinney shoh seose ass e ard-valley dagh bleïn dy choyrt ooashley, as dy hebbal oural gys y Chiarn dy heshaght-flaunyss, ayns Shiloh. As va daa vac Eli, Hophni as Phinehas, saggyrtyn y Chiarn ayns shen.

1 Samuel 1:3 ပူးပေါင်းရင်းမြစ်များ

Psalmyn 78:60

Tra cheayll Jee shoh, v’eh corree: as ghow eh jymmoose trome noi Israel;

Exodus 23:14

Three keayrtyn ’sy vleïn nee oo feailley y reayll dooys.

Exodus 23:17

Three keayrtyn ’sy vleïn hig ooilley dty gheiney kiongoyrt rish y Chiarn Jee.

Exodus 34:23

Three keayrtyn ’sy vleïn hig dy chooilley mac dooinney jiu kiongoyrt rish y Chiarn Jee, Jee Israel.

Noo Luke 2:41

Nish va e ayr as e voir goll seose gys Jerusalem dy chooilley vleïn ec feailley ny caisht.

Deuteronomy 16:16

Three keayrtyn ’sy vleïn hig ooilley ny fyrrynee ayd kionfenish y Chiarn dty Yee, ’syn ynnyd nee eh reih: er feailley yn arran-millish, er feailley ny shiaghtinyn, as er feailley ny cabbaneyn: as cha jig ad lhome-lauee fenish y Chiarn.

Joshua 18:1

As va slane sheshaght cloan Israel er nyn jaglym cooidjagh ec Shiloh, as hoie ad seose y chabbane-agglish ayns shen. As va’n slane cheer lhieu hene.

Briwnyn 18:31

As hoie ad seose daue hene jalloo grainnit Vicah ooilley’n traa va thie Yee ayns Shiloh.

Briwnyn 21:19

Eisht dooyrt ad, Cur-my-ner, ta feailley-bleeaney dy ve freilt gys y Chiarn ayns Shiloh, ayns ynnyd my-hwoaie jeh Beth-el, er cheu-har jeh’n raad mooar ta goll seose veih Beth-el gys Shechem, as my-yiass jeh Lebonah.

1 Samuel 1:21

As hie’n dooinney Elkanah, as ooilley e hie, seose dy hebbal gys y Chiarn yn oural-bleeaney, as e vreearrey.

1 Samuel 1:9

Myr shen dirree Hannah erreish daue v’er n’ee as n’iu ayns Shiloh: (nish hoie Eli yn saggyrt er stoyl-briwnys liorish pillar ayns cabbane-agglish y Chiarn:)

1 Samuel 14:3

As myrgeddin Ahiah mac Ahitub, braar I-chabod, mac Phinehas, mac Eli, saggyrt y Chiarn ayns Shiloh, coamrit lesh yn ephod. As cha dennee yn pobble dy row Jonathan er n’immeeaght.

1 Samuel 2:19

As ren e voir cooat beg da, as hug ee lh’ee eh huggey dy chooilley vleïn, tra haink ee seose marish e sheshey dy hebbal yn oural-bleeaney.

1 Samuel 2:34

As bee shoh son cowrey dhyt, hig er dty ghaa vac, er Hophni as Phinehas: ’syn un laa yiow ad nyn-neesht baase.

1 Samuel 3:13

Son ta mee er n’insh da dy goym kerraghey er e hie, gys earishyn foddey, son y peccah nagh vel gyn-yss da; er-yn-oyr dy ren e vec ad-hene mollaghtagh, as nagh ren eh smaghtaghey ad.

1 Samuel 4:11

As va arg Yee goit; as va daa vac Eli, Hophni as Phinehas, er nyn marroo.

1 Samuel 4:4

Er shoh hug yn pobble fys gys Shiloh, dy choyrt lhieu veih shen arg conaant y Chiarn dy heshaght-flaunyss, ta cummal eddyr ny cherubim: as va daa vac Eli, Hophni as Phinehas, ayns shen marish arg conaant Yee.