1 Samuel 1:27 - Yn Vible Casherick 1775 1819

²⁷ Son y lhiannoo shoh va my aghin; as ta’n Chiarn er chooilleeney my yeearree:

1 Samuel 1:27 ပူးပေါင်းရင်းမြစ်များ

1 Recortyssyn 4:10

As deïe Jabez gys Jee Israel, gra, Oh dy jinnagh oo mish y vannaghey dy jarroo, as my ardjyn y heeyney magh, as dy bee dty laue mârym dy my reayll veih tranlaase, nagh bee’m seaghnit liorish. As hug Jee e yeearree da.

Psalmyn 118:5

Deïe mee er y Chiarn ayns my heaghyn: as hug y Chiarn slane clashtyn dou.

Psalmyn 120:1

Tra va mee ayns seaghyn deïe mee gys y Chiarn: as ren eh m’y chlashtyn.

Psalmyn 6:9

Ta’n Chiarn er chlashtyn my accan: nee’n Chiarn soiaghey jeh my phadjer.

Earrooyn 6:8

Ooilley ny laghyn t’eh fo’n chiangley shoh, t’eh casherick gys y Chiarn.

Noo Mian 7:7

Yeearree-jee, as yiow shiu: shir-jee, as nee shiu feddyn: cronk-jee, as yiow shiu fosley.

1 Ean 5:15

As my ta fys ain dy vel eh geaishtagh rooin, cre-erbee ta shin shirrey, ta fys ain dy vow mayd ny accanyn ta shin dy yeearree er.

1 Samuel 2:20

As ren Eli Elkanah as e ven y vannaghey, gra, Dy der y Chiarn dhyt sluight jeh’n ven shoh, son yn eeasaght t’ou er choyrt da’n Chiarn. As hie ad rhymboo gys nyn gummal hene.