1 Samuel 1:23 - Yn Vible Casherick 1775 1819

²³ As dooyrt Elkanah e sheshey r’ee, Jean dt’aigney; fuirree derrey vees oo er harbaa eh; as dy jean y Chiarn yn goo echey hene ’chooilleeney. Myr shen duirree’n ven, as hug ee keeagh da e mac, derrey v’eh charbaït.

1 Samuel 1:23 ပူးပေါင်းရင်းမြစ်များ

2 Samuel 7:25

As nish, O Hiarn Yee, yn goo t’ou er loayrt mychione dty harvaant, as mychione e hie, jean eh y hickyraghey son dy bragh, as jean myr t’ou er ghra.

1 Reeaghyn 3:21

As tra dirree mee ’sy voghrey dy chur keeagh da my lhiannoo, cur-my-ner, v’eh marroo; agh lurg dou ve er smooinaght er shoh ’sy voghrey, cur-my-ner, cha nee my vac’s v’ayn, ren mee y ymmyrkey.

Psalmyn 22:9

Agh uss eh ren m’y ghoaill ass breïn my vayrey: v’ou my hreishteil tra va mee foast er keeagh my voir.

Isaiah 44:26

Ta cooilleeney goo e harvaant, as jannoo mie coyrle e haghteryn; ta gra rish Jerusalem, Bee cummaltee aynyd; as rish ard-valjyn Yudah, Bee shiu er ny hroggal; as neem’s aa-hroggal ny ynnydyn eck ta er n’gholl naardey;

Earrooyn 30:12

Agh my ta’n sheshey eck er n’yannoo ad dy bollagh gyn bree, er y laa cheayll eh ad; eisht cha jean cre-erbee t’ee er loayrt, mychione e breearraghyn, ny mychione yn kiangley t’ee fo, shassoo ayns bree: ta’n sheshey eck er chur ad naardey, as nee’n Chiarn leih jee.

Noo Mian 24:19

As smerg dauesyn ta torragh, as dauesyn ta cur keeagh ayns ny laghyn shen.

Noo Luke 11:27

As haink eh gy-kione, myr v’eh loayrt ny goan shoh, dy hrog ben dy row jeh’n cheshaght seose e coraa, as dooyrt ee rish, Bannit ta’n vreïn ren oo y ymmyrkey, as ny keeaghyn t’ou er yiole.

1 Samuel 1:17

Eisht dreggyr Eli, as dooyrt eh, Immee royd ayns shee: as dy giall Jee Israel dhyt yn aghin t’ou yeearree veih.

1 Samuel 14:36

As dooyrt Saul, Lhig dooin goll sheese er-eiyrt’s ny Philistinee ’syn oie, as ad y spooilley derrey’n vadran; as ny lhig dooin dooinney jeu y aagail bio. As dooyrt ad, Jean myr s’mie lhiat. Eisht dooyrt y saggyrt, Lhig dooin ayns shoh tayrn er-gerrey gys Jee.

1 Samuel 14:40

Eisht dooyrt eh rish ooilley Israel, Bee-jee shiuish er y derrey heu, as beem’s as Jonathan my vac er y cheu elley. As dooyrt y pobble rish Saul, Jean myr s’mie lhiat hene.