1 Samuel 1:22 - Yn Vible Casherick 1775 1819

²² Agh cha jagh Hannah seose mâroo, son dooyrt ee rish e sheshey, Fuirree-ym derrey vees yn lhiannoo charbaït, as eisht ver-ym lhiam eh, dy hebbal eh fenish y Chiarn, dy hirveish eh choud s’bio eh.

1 Samuel 1:22 ပူးပေါင်းရင်းမြစ်များ

Psalmyn 110:4

Ta’n Chiarn er vreearrey, as cha gow eh arrys: T’ou uss Ard-saggyrt dy bragh myr va Melchisedec.

Psalmyn 23:6

Agh eiyree dty chenjallys-ghraihagh as dty vyghin orrym ooilley laghyn my vea: as neem’s taaghey thie’n Chiarn choud as vee’m bio.

Psalmyn 27:4

Un red ta mish er hirrey er y Chiarn, shen nee’m y yeearree: dy jarroo dy voddym baghey ayns thie yn Chiarn ooilley laghyn my vea, dy akin aalid eunyssagh y Chiarn, as dy haaghey e hiamble.

Exodus 21:6

Eisht ver e vainshtyr lesh eh fenish ny briwnyn; as ver eh lesh eh myrgeddin gys y dorrys, ny gys essyn y dorrys: as ver e vainshtyr mennee trooid e chleaysh; as nee eh shirveish eh choud as s’bio eh.

Isaiah 9:7

Er mooadys e reill as e hee cha bee jerrey, er stoyl-reeoil Ghavid, as er e reeriaght, dy oardrail eh, as dy niartaghey eh lesh briwnys as cairys, veih’n traa shoh magh eer son dy bragh. Graih jeean Chiarn ny flaunyssee nee shoh y chooilleeney.

Leviticus 25:23

Cha jean shiu yn thalloo y chreck son dy bragh: son lhiam’s y thalloo; son cha vel shiu agh myr joarreeyn as jiuleanyn dooys.

Noo Luke 2:22

As tra va laghyn nyn ghlenney, cordail rish leigh Voses, er jeet, hug ad lhieu eh gys Jerusalem, dy hebbal eh gys y Chiarn,

Deuteronomy 16:16

Three keayrtyn ’sy vleïn hig ooilley ny fyrrynee ayd kionfenish y Chiarn dty Yee, ’syn ynnyd nee eh reih: er feailley yn arran-millish, er feailley ny shiaghtinyn, as er feailley ny cabbaneyn: as cha jig ad lhome-lauee fenish y Chiarn.

Joshua 4:7

Eisht nee shiu ginsh daue, dy row ushtaghyn Yordan er nyn scarrey veih-my-cheilley roish arg conaant y Chiarn; tra hie eh harrish Jordan, dy row ushtaghyn Yordan er nyn giarey jeh: as bee ny claghyn shoh son imraa da cloan Israel er son dy bragh.

1 Samuel 1:11

As ren ee breearrey, as dooyrt ee, O Hiarn dy heshaght-flaunyss, my nee oo dy jarroo jeeaghyn er seaghyn dty inney-veyl, as cooinaghtyn orrym, as nagh jarrood oo dt’inney-veyl, agh dy der oo da dt’inney-veyl lhiannoo-mac, eisht neem’s eh y chasherickey gys y Chiarn ooilley laghyn e vea, as cha jig razor er e chione.

1 Samuel 1:28

Shen-y-fa ta mish myrgeddin er eeasagh eh da’n Chiarn; choud’s vees eh bio bee eh eeasit da’n Chiarn, As hug ad ooashley da’n Chiarn ayns shen.

1 Samuel 13:13

As dooyrt Samuel rish Saul, T’ou er n’yannoo dy ommijagh: cha vel oo er reayll yn sarey doardee’n Chiarn dty Yee dhyt; son nish veagh yn Chiarn er hickyraghey dty reeriaght ayns Israel son earishyn foddey beayn.

1 Samuel 2:11

As hie Elkanah gys Ramah gys e hie; as ren y lhiannoo shirveish gys y Chiarn fo Eli yn saggyrt.

1 Samuel 2:18

Agh ren y lhiannoo Samuel shirveish gys y Chiarn, coamrit lesh ephod aanrit.

1 Samuel 28:2

As dooyrt David rish Achish, Son shickyrys liorish shoh nee oo toiggal cre oddys dty harvaant y yannoo. As dooyrt Achish rish David, Er-y-fa shen neem’s uss ard-chaptan my ghard reeoil choud as vee’m bio.

1 Samuel 3:1

As ren y lhiannoo Samuel shirveish gys y Chiarn fo Eli. As va goo’n Chiarn goaun ayns ny laghyn shen; cha row ashlish foshlit erbee.