1 Samuel 1:20 - Yn Vible Casherick 1775 1819

²⁰ Shen-y-fa haink eh gy-kione, lurg da Hannah v’er yientyn, as y traa eck er jeet, dy ren ee mac y ymmyrkey, as denmys ee eh Samuel, gra, Er-yn-oyr dy vel mee er yeearree eh veih’n Chiarn.

1 Samuel 1:20 ပူးပေါင်းရင်းမြစ်များ

Genesis 16:11

As dooyrt ainle y Chiarn r’ee, Cur-my-ner t’ou torragh, as ver oo mac son y theihll, as bee yn ennym echey Ishmael, er-yn-oyr dy vel yn Chiarn er chlashtyn dty heaghyn.

Genesis 30:22

As chooinee Jee er Rachel, as ren Jee clashtyn r’ee, as haink ee dy ve messoil.

Genesis 4:25

As bione da Adam reesht e ven; as ren ee mac y ymmyrkey, as denmys ee eh Seth: son dooyrt ee, Ta Jee er choyrt dou lhiannoo elley, ayns ynnyd Abel, ren Cain y varroo.

Genesis 5:29

As ren eh genmys eh Noah, gra, Nee eh shoh shin y gherjaghey ayns nyn obbyr as tooilleil nyn laueyn, kyndagh rish y thalloo ta’n Chiarn er gheyrey:

1 Recortyssyn 4:10

As deïe Jabez gys Jee Israel, gra, Oh dy jinnagh oo mish y vannaghey dy jarroo, as my ardjyn y heeyney magh, as dy bee dty laue mârym dy my reayll veih tranlaase, nagh bee’m seaghnit liorish. As hug Jee e yeearree da.

Psalmyn 120:1

Tra va mee ayns seaghyn deïe mee gys y Chiarn: as ren eh m’y chlashtyn.

Exodus 2:10

As daase y lhiannoo, as hug ee lh’ee eh gys inneen Pharaoh, as hrog ee eh myr e mac hene. As denmys ee eh Moses: as dooyrt ee, Son dy hayrn mee eh ass yn ushtey.

Exodus 2:22

As va mac eck rish, as denmys eh eh Gershom: son dooyrt eh, Ta mee er ve my yoarree, ayns cheer yoarree.

Noo Mian 1:21

As ver ee mac son y theihll, as nee oo genmys eh Yeesey, son sauee eh e phobble veih nyn beccaghyn.

Hebrewnee 11:32

As cre jir-ym ny sodjey? son yinnagh y traa failleil mee dy insh mychione Gideon, as Barak, as Samson, as Jephthae, mychione David myrgeddin as Samuel, as mychione ny phadeyryn: