1 Samuel 1:2 - Yn Vible Casherick 1775 1819

² As va daa ven echey; va ennym y derrey yeh Hannah, as ennym y jeh elley Peninnah: as va cloan ec Peninnah, agh va Hannah gyn cloan.

1 Samuel 1:2 ပူးပေါင်းရင်းမြစ်များ

Genesis 11:30

As va Sarai gennish; cha row (foast) sluight eck.

Genesis 25:21

As ren Isaac aghin gys y Chiarn son e ven, er-yn-oyr dy row ee gennish: as hug y Chiarn clashtyn da, as ren Rebekah e ven giennaghtyn.

Genesis 29:31

As tra honnick y Chiarn, nagh row wheesh soit jeh Leah, hug eh pooar j’ee dy yiennaghtyn: agh va Rachel gennish.

Genesis 4:19

As ghow Lamech huggey daa ven: as va ennym y derrey yeh Adah, as ennym yn jeh elley Zillah.

Genesis 4:23

As dooyrt Lamech rish e vraane Adah as Zillah, Clasht-jee my choraa, shiuish vraane Lamech, eaisht-jee rish my raa: son ta mee er varroo dooinney gys my hrimshey, as dooinney aeg gys my assee.

Noo Mian 19:8

Dooyrt eshyn roo, Kyndagh rish creoghys nyn greeaghyn, low Moses diu nyn mraane y chur ersooyl: agh ec y toshiaght cha row eh myr shen.

Noo Luke 1:7

As cha row sluight oc, er-yn-oyr dy row Elizabeth gennish, as v’ad ny-neesht er roie dy mie ayns eash.

Noo Luke 2:36

As va myrgeddin phadeyr-ben enmyssit Anna, inneen Phanuel, jeh kynney Aser: v’ee dy eash vooar, as v’ee er veaghey marish e sheshey shiaght bleeaney neayr as v’ee ny moidyn.

Briwnyn 13:2

As va dooinney dy row ayns Zorah, jeh sluight ny Daniteyn, yn ennym echey va Manoah; as va’n ven echey gennish, gyn cloan.

Briwnyn 8:30

As va ec Gideon three-feed as jeih mec, er ny gheddyn jeh e chorp hene: son va echey ymmodee mraane.