1 Samuel 1:16 - Yn Vible Casherick 1775 1819

¹⁶ Ny gow dt’inney-veyl dy ve inneen Velial: son veih mooadys my hrimshey as my heaghyn ta mee ec y traa shoh er hebbal my phadjer.

1 Samuel 1:16 ပူးပေါင်းရင်းမြစ်များ

Psalmyn 55:2

Gow tastey jee’m, as eaisht rhym: kys ta mee gaccan ayns my phadjer, as ta mee seaghnit.

Deuteronomy 13:13

Ta lheid ny deiney shen, cloan Velial, er n’gholl magh veih ny mast’ eu, as er hayrn ersooyl cummaltee yn ard-valley oc, gra, Lhig dooin goll, as shirveish jeeghyn elley (nagh bione diu)

Deuteronomy 13:14

Nee oo eisht briaght, as geddyn magh as feysht dy kiaralagh; as cur-my-ner, my ta’n chooish firrinagh, as dy vel eh, son shickyrys, myr shen, as dy fondagh er ny phrowal, dy vel lheid y peccah eajee jeant ny mast’ eu:

1 Samuel 1:15

As dreggyr Hannah, as dooyrt ee, Cha nee shen myr te, my hiarn; ta mish ben dy chree seaghnit; cha vel mee er n’iu feeyn ny jough lajer, agh ta mee er n’yannoo m’accan jeean gys y Chiarn.

1 Samuel 1:17

Eisht dreggyr Eli, as dooyrt eh, Immee royd ayns shee: as dy giall Jee Israel dhyt yn aghin t’ou yeearree veih.

1 Samuel 10:27

Agh dooyrt cloan Velial, Kys nee ’n dooinney shoh shinyn y livrey? As hoie ad beg jeh, as cha dug ad lhieu gioot erbee huggey: agh cha lhig eh monney er.

1 Samuel 2:12

Nish va mec Eli mec Velial; cha row aggle y Chiarn orroo.

1 Samuel 25:25

Ny lhig da my hiarn, ta mee guee ort, cur geill da’n dooinney shoh dy Velial, dy jarroo Nabal: son myr ta’n ennym echey, myr shen t’eh-hene; Nabal yn ennym echey, as ta ommijys mârish: agh mish dty harvaant cha vaik mee dty gheiney aegey, my hiarn, hug oo er y chaghteraght.