1 Samuel 1:15 - Yn Vible Casherick 1775 1819

¹⁵ As dreggyr Hannah, as dooyrt ee, Cha nee shen myr te, my hiarn; ta mish ben dy chree seaghnit; cha vel mee er n’iu feeyn ny jough lajer, agh ta mee er n’yannoo m’accan jeean gys y Chiarn.

1 Samuel 1:15 ပူးပေါင်းရင်းမြစ်များ

Lioar Yob 30:16

Son nish ta my annym er ny gheayrtey magh cheu-sthie jee’m: ta laghyn my heaghyn er verraghtyn orrym.

Psalmyn 143:6

Ta mee sheeyney magh my laueyn hood’s: ta m’annym paagh er dty hon myr thalloo chirrym.

Psalmyn 42:4

Nish tra ta mee smooinaghtyn er shoh, ta mee deayrtey magh my chree rhym pene: son hie mee marish y cheshaght, as hug mee lhiam adsyn mârym stiagh ayns thie Yee:

Psalmyn 62:8

O cur-jee nyn marrant er dy kinjagh, shiuish phobble: deayrt-jee magh nyn greeaghyn kiongoyrt rish; son ta Jee nyn dreishteil.

Psalmyn 62:9

Er son cloan gheiney, cha vel ad agh fardail: ta cloan gheiney molteyragh er ny meihaghyn, t’ad ooilley-cooidjagh ny s’eddrym na fardalys hene.

Raaghyn Creeney 14:10

Ta’n cree gennaghtyn e herriuid hene, as cha vel ec joarree dy yannoo rish e voggey.

Raaghyn Creeney 15:1

Ta ansoor meeley meeinaghey corree: agh ta goan fargagh doostey jymmoose.

Raaghyn Creeney 25:15

Liorish meenid ta prince er ny veiyghey, as ta chengey veeley brishey eer craueyn.

Dobberan 2:19

Trog ort, yllee magh ’syn oie: ayns toshiaght ny arraghyn deayrt magh dty chree, myr ushtey kiongoyrt rish y Chiarn; trog seose dty laueyn huggeysyn, son bioys dty chloan aegey ta goll naardey lesh accyrys ayns kione dy chooilley straïd.

1 Samuel 1:16

Ny gow dt’inney-veyl dy ve inneen Velial: son veih mooadys my hrimshey as my heaghyn ta mee ec y traa shoh er hebbal my phadjer.

1 Samuel 7:6

As v’ad er nyn jaglym cooidjagh ec Mizpeh, as hayrn ad ushtey, as gheayrt ad eh magh kiongoyrt rish y Chiarn, as hrosht ad er y laa shen, as dooyrt ad ayns shen, Ta shin er n’yannoo peccah noi’n Chiarn. As ren Samuel cloan Israel y vriwnys ayns Mizpeh.