1 Samuel 1:14 - Yn Vible Casherick 1775 1819

¹⁴ As dooyrt Eli r’ee, Caïd vees oo myr shoh er-meshtey? cur voïd y feeyn.

1 Samuel 1:14 ပူးပေါင်းရင်းမြစ်များ

Lioar Yob 11:14

My ta mee-chairys ayns dty laue, scugh foddey voïd eh, as ny lhig da olkys tannaghtyn ayns dty chabbaneyn.

Lioar Yob 22:23

My hyndaa-ys oo gys yn Ooilley-niartal, bee oo er dty hroggal seose, ver oo ersooyl mee-chairys foddey veih dty chabbaneyn.

Lioar Yob 8:2

Caïd nee oo loayrt er yn aght shoh? as caïd vees goan dty veeal myr geay-chassee?

Psalmyn 62:3

Caïd smooinys shiu er olk noi dy chooilley ghooinney: hed shiu er stroie ooilley yn sorch eu; dy jarroo, myr voalley ta aarloo dy huittym vees shiu, as myr cleiy brisht.

Raaghyn Creeney 4:24

Cur ersooyl voïd beeal foalsey, as meillyn scammyltagh cur foddey voïd.

Raaghyn Creeney 6:9

Caïd nee oo cadley, O chadleyder, cuin irrys oo ass dty chadley?

Jannoo 2:13

Agh va feallagh elley gannidys, as gra, Ta ny deiney shoh lane dy feeyn noa.

Jannoo 2:4

As v’ad ooilley lhieent lesh y Spyrryd Noo, as ren ad toshiaght dy loayrt lesh chengaghyn noa, myr va’n Spyrryd cur bree loayrtys ayndoo.

Ephesianee 4:25

Shen-y-fa treigeil breagyn, lhig da dy chooilley ghooinney yn irriney y loayrt rish e naboo: son ta shin oltyn yn derrey yeh jeh’n jeh elley.

Ephesianee 4:31

Lhig da dy chooilley roonid, as jymmoose, as farg, as beealeraght, as oltooan ve eebrit veue, marish dy chooilley ghoanlys.