1 Samuel 1:11 - Yn Vible Casherick 1775 1819

¹¹ As ren ee breearrey, as dooyrt ee, O Hiarn dy heshaght-flaunyss, my nee oo dy jarroo jeeaghyn er seaghyn dty inney-veyl, as cooinaghtyn orrym, as nagh jarrood oo dt’inney-veyl, agh dy der oo da dt’inney-veyl lhiannoo-mac, eisht neem’s eh y chasherickey gys y Chiarn ooilley laghyn e vea, as cha jig razor er e chione.

1 Samuel 1:11 ပူးပေါင်းရင်းမြစ်များ

Genesis 28:20

As ren Jacob breearrey, gra, My vees Jee mârym, as my nee eh m’y reayll ’sy raad ta mee goll, as my ver eh dou arran dy ee, as coamrey dy chur moom;

Genesis 29:32

As ren Leah gientyn as gymmyrkey mac as denmys ee eh Reuben: son dooyrt ee, Son shickyrys ta’n Chiarn er yeeaghyn er my heaghyn; nish er-y-fa shen, ver my heshey graih dou.

Genesis 30:22

As chooinee Jee er Rachel, as ren Jee clashtyn r’ee, as haink ee dy ve messoil.

Genesis 8:1

As chooinee Jee er Noah, as er dagh cretoor bio, as er ooilley yn maase va mârish ’syn arg: as hug Jee er geay dy heidey harrish y thalloo, as ren ny ushtaghyn sloateil.

2 Samuel 16:12

Foddee dy jean y Chiarn jeeaghyn er my hrimshey, as dy der y Chiarn cooilleeney mie dou son y ghweeaghyn echeysyn er y laa shoh.

Psalmyn 25:18

Jeeagh er my noidyn kys t’ad er nyn mishaghey: as t’ad gymmyrkey goanlys tranlaasagh m’oï.

Exodus 4:31

As ren y pobble credjal: as tra cheayll ad dy row yn Chiarn er yeeaghyn er cloan Israel, as dy row eh er vakin yn seaghyn oc, eisht chroym ad nyn ghing, as ren ad ooashlaghey.

Raaghyn Creeney 31:2

Cre, my vac? cre shoh, vac my vreïn? nee shen myr te, vac my vreearraghyn?

Ecclesiastes 5:4

Tra t’ou jannoo breearrey gys Jee, ny lhig shaghey dy chooilleeney eh: son cha vel taitnys erbee echeysyn ayns ommydanyn; eeck shen ny t’ou er vreearrey.

Leviticus 27:2

Loayr rish cloan Israel, as abbyr roo, Tra ta dooinney jannoo breearrey casherick, bee’n phrice son feaysley ny persoonyn lesh y Chiarn, myr ver uss orroo.

Earrooyn 21:2

As ren Israel breearrey gys y Chiarn, as dooyrt ad, My nee uss dy jarroo livrey yn pobble shoh gys my laue, eisht stroie-ym dy bollagh ny ard-valjyn oc.

Earrooyn 6:11

As nee’n saggyrt chebbal y derrey yeh son oural-peccah, as y jeh elley son oural-losht, as jannoo lhiasaghey er e hon, son dy ren eh peccah liorish y varroo, as nee eh e chione y chasherickey yn laa cheddin.

Earrooyn 6:5

Ooilley ny laghyn t’eh fo kiangley’n vreearrey shoh, cha jig razor er e chione: derrey vees ny laghyn harrish, ayndoo t’eh dy scarrey eh hene gys y Chiarn, bee eh casherick; as nee eh lhiggey da kiogyn folt e ching gaase.

Earrooyn 6:8

Ooilley ny laghyn t’eh fo’n chiangley shoh, t’eh casherick gys y Chiarn.

Briwnyn 11:30

As ren Jephthah breearrey y yannoo gys y Chiarn, as dooyrt eh, My nee uss dy jarroo livrey cloan Ammon gys my laue’s,

Briwnyn 13:5

Son cur-my-ner, nee oo giennaghtyn, as mac y ymmyrkey; as cha jig razor er e chione: son bee’n lhiannoo Nazarite gys Jee veih’n vreïn: as hed eh er e hoshiaght dy livrey Israel ass laue ny Philistinee.

1 Samuel 1:10

As v’ee ayns sherriuid anmey, as ghow ee padjer gys y Chiarn, as cheayn ee dy sharroo.

1 Samuel 1:12

As haink eh gy-kione, myr v’ee tannaghtyn dy jeean ayns padjer gys y Chiarn dy dug Eli tastey da ny meillyn eck.

1 Samuel 1:19

As dirree ad seose dy moghey, as hug ad ooashley kiongoyrt rish y Chiarn, as hyndaa ad, as haink ad gys nyn dhie hene ayns Ramah: as ren Elkanah gerjaghey Hannah e ven, as chooinee’n Chiarn urree.

1 Samuel 1:22

Agh cha jagh Hannah seose mâroo, son dooyrt ee rish e sheshey, Fuirree-ym derrey vees yn lhiannoo charbaït, as eisht ver-ym lhiam eh, dy hebbal eh fenish y Chiarn, dy hirveish eh choud s’bio eh.

1 Samuel 1:27

Son y lhiannoo shoh va my aghin; as ta’n Chiarn er chooilleeney my yeearree:

1 Samuel 1:28

Shen-y-fa ta mish myrgeddin er eeasagh eh da’n Chiarn; choud’s vees eh bio bee eh eeasit da’n Chiarn, As hug ad ooashley da’n Chiarn ayns shen.

1 Samuel 2:20

As ren Eli Elkanah as e ven y vannaghey, gra, Dy der y Chiarn dhyt sluight jeh’n ven shoh, son yn eeasaght t’ou er choyrt da’n Chiarn. As hie ad rhymboo gys nyn gummal hene.