1 Samuel 1:1 - Yn Vible Casherick 1775 1819

¹ Nish va dooinney dy row jeh Ramathaim-zophim, jeh slieau Ephraim, as va’n ennym echey Elkanah, mac Jehoram, mac Elihu, mac Tohu, mac Zuph, ny Ephrathite:

1 Samuel 1:1 ပူးပေါင်းရင်းမြစ်များ

1 Reeaghyn 11:26

As Jeroboam mac Nebat, Ephrathite jeh Zereda, sharvaant Solomon, (va ennym e voir Zeruah, ben-treoghe,) ren eh shoh hene troggal seose e laue noi’n ree.

1 Recortyssyn 6:12

As hooar Ahitub Zadok, as hooar Zadok Shallum,

1 Recortyssyn 6:22

Mec Kohath, Amminadab e vac, Korah e vac, Assir e vac,

1 Recortyssyn 6:33

As shoh adsyn hass gys y chirveish marish nyn gloan: jeh mec ny Kohathiteyn, Heman yn arraneyder, mac Joel, mac Shemuel,

1 Recortyssyn 6:34

Mac Elkanah, mac Jeroham, mac Eliel, mac Toah,

Noo Mian 27:57

Tra va’n fastyr er jeet, haink dooinney berchagh ass Arimathea, va enmyssit Joseph, va myrgeddin eh-hene credjal ayns Yeesey.

Joshua 24:33

As hooar Eleazar mac Aaron baase; as doanluck ad eh ayns cronk va lesh Phinehas e vac, v’er ny choyrt da ayns cronk Ephraim.

Briwnyn 12:5

As ghow ny Gileaditeyn aaghyn Yordan roish ny Ephraimiteyn: as ve myr shen, tra dooyrt ny Ephraimiteyn ren scapail, Lhig dou goll harrish, dy dooyrt deiney Ghilead rish, Nee Ephraimite oo? My yarragh eh, Cha nee;

Briwnyn 17:1

As va dooinney dy row jeh slieau Ephraim, yn ennym echey va Micah.

Briwnyn 19:1

As haink eh gy-kione, ayns ny laghyn shen, tra nagh row ree ayns Israel, dy row Levite cummal er lhiattee cronk Ephraim, ghow da hene co-lhiabbagh veih Beth-lehem-judah.

Briwnyn 4:5

As v’ee cummal fo billey-palm Deborah, eddyr Ramah as Beth-el ayns cronk Ephraim; as hie cloan Israel seose huic son briwnys.

Ruth 1:2

As va ennym yn dooinney Elimelech, as ennym yn ven Naomi, as ennym e ghaa vac Mahlon as Chilion, Ephrathiteyn jeh Beth-lehem-judah: as haink ad gys cheer Voab, as duirree ad ayns shen.

Ruth 4:22

As hooar Obed Jesse, as hooar Jesse David.

1 Samuel 1:19

As dirree ad seose dy moghey, as hug ad ooashley kiongoyrt rish y Chiarn, as hyndaa ad, as haink ad gys nyn dhie hene ayns Ramah: as ren Elkanah gerjaghey Hannah e ven, as chooinee’n Chiarn urree.

1 Samuel 17:12

Nish va David mac yn Ephraimite shen jeh Beth-lehem-Judah, va’n ennym echey Jesse; as va hoght mec echey: as v’eh goit son shenn ghooinney ayns laghyn Saul.

1 Samuel 2:11

As hie Elkanah gys Ramah gys e hie; as ren y lhiannoo shirveish gys y Chiarn fo Eli yn saggyrt.

1 Samuel 7:17

As haink eh reesht gys Ramah; son shen y raad va e chummal: as ayns shen v’eh briwnys Israel; as ayns shen hrog eh altar gys y Chiarn.

1 Samuel 9:4

As hie eh trooid slieau Ephraim, as er e hoshiaght trooid cheer Shalisha, agh cha row ad ry-gheddyn: eisht hie ad trooid cheer Shalim, as ayns shen cha row ad; as hie eh trooid cheer ny Benjamiteyn, agh cha row ad ayns shen.

1 Samuel 9:5

As tra v’ad er jeet gys cheer Zuph, dooyrt Saul rish e harvaant va mârish, Tar, as lhig dooin goll thie; er-aggle nagh nee son ny assylyn vees m’ayr imneagh, agh er ny son ain hene.