1 Reeaghyn 8:3 - Yn Vible Casherick 1775 1819

³ As haink ooilley shanstyr Israel, as hrog ny saggyrtyn lhieu yn arg.

1 Reeaghyn 8:3 ပူးပေါင်းရင်းမြစ်များ

2 Samuel 6:12

As ve er n’insh da ree David, gra, Ta’n Chiarn er vannaghey thie Obed-edom, as ooilley ny va bentyn da, er coontey arg Yee. Myr shen hie David as hug eh lesh arg Yee seose, veih thie Obed-edom, gys ard-valley Ghavid, lesh ard-voggey.

1 Reeaghyn 8:6

As hug ny saggyrtyn lhieu stiagh arg conaant y Chiarn gys e ynnyd, eer gys ynnyd smoo casherick y thie, ta shen, fo skianyn ny cherubim.

1 Recortyssyn 15:2

Eisht dooyrt David, Cha vel eh lowit da feallagh erbee dy ymmyrkey arg Yee agh ny Leviteyn: son adsyn ta’n Chiarn er reih dy chur lhieu arg Yee, as dy yannoo shirveish da, son dy bragh.

Earrooyn 4:15

As tra vees Aaron as e vec erreish coodaghey yn ynnyd casherick, as ooilley ny siyn casherick, myr ta’n camp dy gholl er y hoshiaght; lurg shen, hig mec Kohath dy choyrt lhieu eh; agh cha negin daue bentyn rish nhee casherick erbee, er-aggle dy vow ad baase. Ta ny reddyn shoh errey mec Kohath, ayns cabbane-agglish y cheshaght.

Earrooyn 7:9

Agh da mec Kohath cha dug eh veg, er-yn-oyr dy row’n chirveish ocsyn mysh y chabbane-casherick, dy row ad dy choyrt lhieu eh er nyn gheayltyn.

Deuteronomy 31:9

As scrieu Moses yn leigh shoh, as hug eh eh fo currym ny saggyrtyn, mec Levi, va gymmyrkey arg conaant y Chiarn, as da ooilley shanstyr Israel.

Joshua 3:3

As hug ad currym er y pobble, gra, Cha leah as nee shiu fakin arg conaant yn Chiarn y Jee eu, as ny saggyrtyn ny Leviteyn gymmyrkey eh, eisht nee shiuish troggal, as goll geiyrt er.

Joshua 3:6

As loayr Joshua rish ny saggyrtyn, gra, Trog-jee seose arg y chonaant, as gow-jee shiuish harrish roish y pobble. As hrog ad arg y chonaant, as jimmee ad roish y pobble.

Joshua 4:9

As ren Joshua soiaghey seose daa chlagh jeig ayns mean Yordan, ayns yn eer ynnyd ren cassyn ny saggyrtyn dymmyrk arg y chonaant shassoo er: as t’ad ayns shen gys y laa t’ayn jiu.

Joshua 6:6

As deïe Joshua mac Nun er ny saggyrtyn, as dooyrt eh roo, Trog-jee seose arg y chonaant, as lhig da shiaght saggyrtyn cur lhieu shiaght cayrnyn dy eairkyn rea roish arg y Chiarn.