1 Reeaghyn 7:2 - Yn Vible Casherick 1775 1819

² Hrog eh neesht thie keylley Lebanon; va’n lhiurid echey keead cubit, as yn lheead echey jeih cubityn as da-eed, as yn yrjid echey jeih cubityn as feed; as kiare roaghyn dy phillaryn cedar, lesh beamyn cedar er ny pillaryn.

1 Reeaghyn 7:2 ပူးပေါင်းရင်းမြစ်များ

1 Reeaghyn 10:17

As ren eh three cheead scape dy airh hammarit; hie three puint dy airh dy yannoo un scape: as hasht y ree ad ayns thie keylley Lebanon.

1 Reeaghyn 10:21

As va ooilley siyn-iu ree Solomon jeh airh, as va ooilley siyn thie keylley Lebanon jeh airh ghlen; cha row veg jeant jeh argid: son cha row veg y scansh jeh argid rish lhing Solomon.

1 Reeaghyn 7:3

As ve coodit lesh cedar erskyn ny beamyn, va nyn lhie er queig pillaryn as da-eed, queig-jeig ayns roa.

1 Reeaghyn 9:1

As haink eh gy-kione, tra va Solomon erreish troggal thie’n Chiarn, as thie’n ree, as ooilley aigney Solomon cooilleenit s’gooidsave lesh dy yannoo,

1 Reeaghyn 9:19

As ooilley ny ard-valjyn-stoyr v’ec Solomon, as ard-valjyn son e ainee, as ard-valjyn son e varkee, as shen ny va Solomon aggindagh dy hroggal ayns Jerusalem, as ayns Lebanon, as ayns ooilley cheer e rheam.

2 Recortyssyn 9:16

As three cheead scape ren eh dy airh hammarit; hie three cheead shekel dy airh gys un scape. As hasht y ree ad ayns thie keylley Lebanon.

Arrane Solomon 7:4

Ta dty wannal myr toor ivory, dty hooillyn myr ny loghanyn eeastee ayns Heshbon, liorish giat Vath-rabbim: ta dty stroin myr toor Lebanon, ta jeeaghyn lesh Damascus.

Isaiah 22:8

As daag eh foshlit coodagh Yudah, as yeeagh oo er y laa shen son greinyn-caggee thie ny keylley.