1 Reeaghyn 5:9 - Yn Vible Casherick 1775 1819

⁹ Ver my harvaantyn lhieu ad neose veih Lebanon gys y cheayn; as ver-ym lhiam ad er y cheayn ayns raftyn gys y boayl nee oo pointeil dou, as ver-ym ad er thalloo ayns shen, as nee uss ad y ghoaill: as nee oo yn yeearree aym’s y chooilleeney liorish coyrt beaghey da my vooinjer.

1 Reeaghyn 5:9 ပူးပေါင်းရင်းမြစ်များ

Ezekiel 27:17

Va Judah as thalloo Israel ny marchanyn ayd’s: ren ad dellal ayns dty vargey lesh curnaght Vinnith as Phannag, as mill, as ooil, as balm.

Ezra 3:7

Hug ad argid myrgeddin da ny masoonee as ny seiyr, as bee, as jough, as ooil dauesyn jeh Zidon, as dauesyn jeh Tyre, dy choyrt lhieu biljyn-cedar veih Lebanon gys faarkey Joppa; cordail rish sarey Cyrus ree Phersia.

Jannoo 12:20

As va Herod ayns noidys dewil rish cummaltee Tyre as Sidon: agh haink ad lesh un aigney huggey, as hooar ad stiagh rish Blastus, shamyrder y ree, as hir ad shee; er coontey dy row yn cheer oc cummit seose liorish cheer y ree.

2 Recortyssyn 2:16

As nee mayd giarey fuygh ayns Lebanon, wheesh as vees feme ayd er, as ver mayd lhien eh hood ayns raftyn er y cheayn gys Joppa, as ver oo lhiat eh seose gys Jerusalem.

2 Recortyssyn 1:15

As hug y ree er argid as airh ec Jerusalem dy ve cha palchey as claghyn, as ny biljyn-cedar dy ve myr ny biljyn-sycamore ta ’sy choan.

Deuteronomy 3:25

Ta mee guee ort, lhig dou goll harrish, as shilley ’gheddyn jeh’n cheer mie shen ta cheu elley dy Yordan, yn slieau aalin shen, Lebanon.

1 Reeaghyn 5:8

As hug Hiram fys gys Solomon, gra, Ta mee er n’ghoaill gys my smooinaghtyn ny reddyn hug uss fys hym er nyn son: as cooilleen-ym ooilley dty yeearree son y fuygh-cedar, as son y fuygh-juys.

1 Reeaghyn 5:10

Myr shen hug Hiram da Solomon biljyn-cedar as biljyn-juys, cordail rish ooilley e yeearree.

1 Reeaghyn 9:27

As hug Hiram ayns ny lhongyn e harvaantyn, shoalteyryn schleioil ayns shiaulley, marish sharvaantyn Solomon.

1 Reeaghyn 3:12

Cur-my-ner, ta mee er n’yannoo cordail rish dty ghoan: jeeagh, ta mee er choyrt dhyt cree creeney as tushtagh, myr shen nagh row unnane erbee roish dty hraa casley rhyt, chamoo dty lurg nee unnane erbee troggal seose corrym rhyt.

1 Reeaghyn 4:20

Va Judah as Israel ymmodee, myr genniagh ny marrey ayns earroo, gee as giu, as jannoo gien mie.

2 Recortyssyn 9:22

As va ree Solomon erskyn ooilley reeaghyn ny hooirey, ayns berchys as creenaght.

Lioar Yob 32:8

Agh ta spyrryd ayns dooinney; as ta bree yn Ooilley-niartal cur tushtey daue.

Ecclesiastes 1:16

Loayr mee rish my chree hene, gra, Cur-my-ner, ta mee er jeet gys ard-ooashley, as ta mee er chosney creenaght erskyn ooilley ny va roym ayns Jerusalem: va dy jarroo toiggal dowin ec my chree jeh creenaght as tushtey: