1 Reeaghyn 3:9 - Yn Vible Casherick 1775 1819

⁹ Cur er-y-fa shen da dty harvaant cree tushtagh, dy vriwnys dty phobble, dy voddym cronnaghey eddyr mie as sie: son quoi ta abyl dy vriwnys ad shoh dty phobble ta cha earrooagh?

1 Reeaghyn 3:9 ပူးပေါင်းရင်းမြစ်များ

2 Samuel 14:17

Eisht dooyrt dty harvaant, Bee ansoor my hiarn y ree nish gerjoilagh: son myr ainle Yee, shen myr ta my hiarn y ree dy chur tastey dy vriwnys eddyr mie as sie; shen-y-fa bee’n Chiarn dty Yee mayrt.

1 Reeaghyn 10:24

As va ooilley’n seihll shirrey gys Solomon, dy chlashtyn e chreenaght, va Jee er choyrt ayns e chree.

1 Reeaghyn 3:10

As ren y ghlare shoh yn Chiarn y wooiys, dy row Solomon er yeearree lheid y red shoh.

1 Reeaghyn 3:28

As cheayll ooilley Israel jeh’n vriwnys va’n ree er choyrt; as v’ad arrymagh roish y ree: son honnick ad dy row creenaght Yee mârish, ayns jannoo briwnys.

1 Recortyssyn 22:12

Erskyn ooilley dy der y Chiarn dhyt’s creenaght as tushtey, dy ghoaill ort y currym dy reill Israel, as dy reayll leigh’n Chiarn dty Yee;

1 Recortyssyn 29:19

As giall da Solomon my vac cree ynrick, dy reayll dty annaghyn, dty recortyssyn, as dty lattyssyn, as dy yannoo ooilley ny obbraghyn shoh, as dy hroggal y chiamble shen ny chour ta mee ro-laue er chiarail.

2 Recortyssyn 1:10

Cur dou nish creenaght as tushtey, dy voddym goll magh as cheet stiagh roish y pobble shoh: son quoi oddys briwnys ad shoh dty phobble ta whilleen ayns earroo?

Psalmyn 119:144

Ta cairys dty recortyssyn dy bragh farraghtyn: O giall dou tushtey, as bee’m bio.

Psalmyn 119:34

Cur dou tushtey, as freill-ym dty leigh: freill-ym eh dy jarroo lesh ooilley my chree.

Psalmyn 119:73

Ta dty laueyn er my chroo as er my chummey: O cur dou tushtey, dy voddym gynsaghey dt’annaghyn.

Raaghyn Creeney 14:8

Ta creenaght yn er tushtagh dy hoiggal e raad: agh ta ommijys ny mee-chrauee, molteyrys.

Raaghyn Creeney 16:16

Cre-woad share te dy chosney creenaght na airh? as dy gheddyn tushtey, dy ve reiht roish argid.

Raaghyn Creeney 20:12

Yn cleaysh ta clashtyn, as y sooill ta fakin, she’n Chiarn t’er chiaddey ad ny-neesht.

Ecclesiastes 7:11

Ta creenaght cha mie as eiraght; as liorish ta vondeish ocsyn ta fakin y ghrian.

Ecclesiastes 7:19

Ta creenaght niart smoo da’n dooinney creeney, na jeih treanee caggee ayns ard-valley.

Jeremiah 1:6

Eisht dooyrt mee, Ah, Hiarn Yee! cur-my-ner, cha voddym loayrt roo, son cha vel mee agh scollag.

Jeremiah 45:5

As vel uss shirrey vondeishyn er-lheh dhyt hene? ny shir y lheid: son cur-my-ner, ver-yms lhiam olk er dy chooilley eill, ta’n Chiarn dy ghra; agh bee dty vioys lhiggit lhiat raad erbee dy jed oo.

Daniel 2:21

As t’eh caghlaa ny traaghyn as ny imbaghyn, t’eh scughey reeaghyn as soiaghey seose reeaghyn, t’eh coyrt creenaght dauesyn ta creeney, as tushtey dauesyn ta toiggal tushtey.

Noo Mian 3:11

Ta mish dy jarroo bashtey shiu lesh ushtey gys arrys: agh t’eshyn ta cheet my yeï ny s’pooaral na mish, ny braagyn echey cha vel mee feeu dy ymmyrkey: bashtee eshyn shiu lesh y Spyrryd Noo as lesh aile.

Noo Mian 3:14

Agh va Ean noi shen, gra, Ta feme aym’s dy ve er my vashtey liort’s, as vel uss cheet hym’s?

Noo Ean 5:30

Cha voddym jee’m pene nhee erbee y yannoo: myr ta mee clashtyn, ta mee briwnys: as ta my vriwnys cairagh, er-yn-oyr nagh vel mee shirrey my aigney hene, agh aigney yn Ayr t’er my choyrt.

2 Corinthianee 2:16

Da’n derrey yeh ta shin blass y vaaish gys baase; as da’n jeh elley ta shin blass y vea gys bea: as quoi ta fondagh son ny reddyn shoh?

2 Corinthianee 3:5

Cha nee dy vel shin fondagh j’in hene dy smooinaghtyn nhee erbee myr j’in hene; agh ta’n phooar ain veih Jee.

Ephesianee 5:17

Shen-y-fa ny bee-jee neu-hastagh, agh toig-jee cre ta aigney yn Chiarn.

Philippianee 1:10

Dy vod shiu lowal jeh ny reddyn smoo ooasle, dy vod shiu ve ynrick, as shickyr gys laa Chreest;

Hebrewnee 5:14

Agh ta bee lajer cooie dauesyn t’ec slane eash, dy jarroo dauesyn ta liorish cliaghtey er gheddyn keeayl as tushtey dy vriwnys eddyr mie as sie.

Jamys 1:5

My ta veg euish feme creenaght, lhig da geearree er Jee, ta coyrt dy feoilt da dy chooilley ghooinney, as nagh vel mooaraghey, as bee eh er ny choyrt da.

Jamys 3:17

Agh y chreenaght ta veih’n yrjey t’ee hoshiaght glen, eisht sheeoil, meen, as aashagh dy ve coyrlit, lane dy erreeish as dy vessyn mie, fegooish neu-chorrymid, as fegooish craueeaght-oalsey.