1 Reeaghyn 3:4 - Yn Vible Casherick 1775 1819

⁴ As hie yn ree gys Gibeon dy hebbal oural ayns shen; son shen va’n ard-ynnyd mooar: thousane dy ourallyn-losht heb Solomon er yn altar shen.

1 Reeaghyn 3:4 ပူးပေါင်းရင်းမြစ်များ

2 Recortyssyn 7:5

As ren ree Solomon chebbal oural daa housane as feed dy ghew, as shey-feed thousane keyrrey: myr shoh ren y ree as ooilley’n pobble thie Yee y chasherickey.

2 Recortyssyn 1:3

Myr shen hie Solomon as ooilley yn pobble mârish seose gys yn ard-ynnyd va ec Gibeon, son ayns shen va cabbane-agglish Yee, va Moses sharvaant y Chiarn er n’yannoo ’syn aasagh.

1 Recortyssyn 16:39

As Zadok y saggyrt, as e vraaraghyn ny saggyrtyn, kiongoyrt rish cabbane-agglish y Chiarn, ayns yn ard-ynnyd v’ec Gibeon,

1 Recortyssyn 21:29

(Son va cabbane-agglish y Chiarn va Moses er n’yannoo ayns yn aasagh, as altar yn oural-losht, ec y traa shen, ayns yn ard-ynnyd ec Gibeon.

Isaiah 40:16

As cha vel Lebanon dy liooar son aile, ny’n maase t’er dy liooar son oural-losht.

Joshua 9:3

As tra cheayll cummaltee Ghibeon jeh ny va Joshua er n’yannoo rish Jericho as rish Ai,

2 Recortyssyn 30:24

Son hug Hezekiah ree Yudah da’n cheshaght thousane dow, as shiaght thousane keyrrey; as hug ny princeyn daue thousane dow, as jeih thousane keyrrey: as ren earroo mooar jeh ny saggyrtyn ad-hene y chasherickey.

1 Reeaghyn 8:63

As heb Solomon ourallyn-shee, heb eh da’n Chiarn daa housane as feed dy ghew, as keead thousane as feed dy chirree. Myr shen ren y ree as ooilley cloan Israel thie’n Chiarn y chasherickey.

Joshua 10:2

Dy row aggle mooar orroo, son dy row Gibeon ny ard-valley mooar, myr unnane jeh ny ard-valjyn reeoil, as son dy row eh ny s’troshey na Ai, as dy row ooilley e gheiney-caggee niartal.

1 Reeaghyn 9:2

Dy row’n Chiarn er ny hoilshaghey da Solomon yn nah cheayrt, ayns ashlish, eer myr v’eh ec Gibeon.

Joshua 18:21

Nish ard-valjyn tribe cloan Venjamin, cordail rish ny kynneeyn oc, va Jericho, as Beth-hoglah, as coan Keziz,

1 Samuel 13:9

As dooyrt Saul, Cur-jee lhieu hym gys shoh oural-losht as ourallyn-shee. As heb eh yn oural-losht.

1 Reeaghyn 8:4

As hug ad lhieu seose arg y Chiarn, as y cabbane-agglish, as ooilley ny siyn casherick va ’sy chabbane, eer ad shoh hug ny saggyrtyn as ny Leviteyn lhieu seose.

Jeremiah 28:1

As haink eh gy-kione ’sy vleïn cheddin, ayns toshiaght reill Zedekiah ree Yudah, ’sy chiarroo vleïn, as ayns y wheiggoo vee, dy ren Hananiah mac Azur yn phadeyr, va jeh Gibeon, loayrt rhym ayns thie yn Chiarn, fenish ny saggyrtyn as ooilley’n pobble, gra,

2 Recortyssyn 1:2

Eisht loayr Solomon rish ooilley Israel, rish captanyn ny thousaneyn as ny keeadyn, as rish ny briwnyn, as rish dy chooilley chiannoort ayns Israel, ard-gheiney yn chenndeeaght.