1 Reeaghyn 3:3 - Yn Vible Casherick 1775 1819

³ As hug Solomon graih da’n Chiarn, as huill eh ayns slattyssyn Ghavid e ayr: magh voish dy ren eh chebbal as lostey oural-incense er ny ard-ynnydyn.

1 Reeaghyn 3:3 ပူးပေါင်းရင်းမြစ်များ

1 Reeaghyn 11:34

Ny-yeih, cha goym yn slane reeriaght ass e laue: as nee’m eh ny phrince ooilley laghyn e vea, er graih Ghavid my harvaant, eh ren mee reih, er-yn-oyr dy dreill eh my annaghyn as my lattyssyn;

1 Reeaghyn 11:38

As hig eh gy-kione, my nee oo geaishtagh rish ooilley ny ta mee dy harey dhyt, as my nee oo shooyl ayns my raaidyn, as jannoo shen ny ta cairagh ayns my hilley, dy reayll my lattyssyn as my annaghyn, myr ren David my harvaant; dy beem’s mayrt, as trog-ym dhyt thie shickyr, myr hrog mee da David, as ver-ym Israel dhyt.

1 Reeaghyn 11:4

Son haink eh gy-kione, tra va Solomon shenn, dy violee e vraane eh dy eiyrt er jeeghyn elley: as cha row e chree ynrick gys y Chiarn e Yee, myr va cree Ghavid e ayr.

1 Reeaghyn 11:6

As ren Solomon dy olk ayns shilley’n Chiarn, as cha deiyr eh dy slane er y Chiarn, myr ren David e ayr.

1 Reeaghyn 14:23

Son ren adsyn myrgeddin troggal daue hene ynnydyn ard, as jallooyn, as keylljyn, er dy chooilley chronk ard, as fo dy chooilley villey glass.

1 Reeaghyn 14:8

As vrish mee yn reeriaght veih thie Ghavid, as hug mee dhyt’s eh; as foast cha vel uss er ve myr va my harvaant David, dreill my haraghyn, as deiyr orrym lesh ooilley e chree, dy yannoo eer shen ny va cairagh ayns my hilley;

1 Reeaghyn 15:11

As ren Asa shen ny va cairagh ayns shilley’n Chiarn, myr ren David e ayr.

1 Reeaghyn 15:14

Agh cha row ny ard-ynnydyn er nyn goyrt sheese: ny-yeih, va cree Asa firrinagh gys y Chiarn ooilley e laghyn.

1 Reeaghyn 15:3

As deiyr eh er ooilley peccaghyn e ayrey: as cha row e chree firrinagh gys y Chiarn e Yee, myr va cree Ghavid e ayr.

1 Reeaghyn 15:5

Er-yn-oyr dy ren David shen ny va jeeragh ayns shilley’n Chiarn, as nagh hyndaa eh dy lhiattee veih nhee erbee dy doardee eh da ooilley laghyn e vea, agh ynrycan ayns cooish Uriah yn Hittite.

1 Reeaghyn 22:43

As huill eh ayns ooilley raaidyn Asa e ayr; cha hyndaa eh dy lhiattee veih, jannoo shen ny va cairagh ayns shilley’n Chiarn: ny-yeih cha row ny ard-ynnydyn er nyn goyrt sheese; son ren y pobble chebbal as lostey incense foast ayns ny ard-ynnydyn.

1 Reeaghyn 22:44

As ren Jehoshaphat shee rish ree Israel.

1 Reeaghyn 3:14

As my nee oo shooyl ayns my raaidyn, dy reayll my lattyssyn as my haraghyn, myr ren dty ayr David, eisht nee’m dty laghyn dy ve beayn.

1 Reeaghyn 3:6

As dooyrt Solomon, T’ou er hoilshaghey da dty harvaant David my ayr myghin mooar, myr ren eh gimmeeaght kiongoyrt rhyt’s ayns firrinys, as ayns cairys, as ayns ynrickys cree mayrt; as t’ou uss er reayll ny chour yn chenjallys vooar shoh, dy vel oo er choyrt mac da dy hoie er e stoyl-reeoil, myr te ’sy laa t’ayn jiu.

1 Reeaghyn 8:25

Shen-y-fa nish, Hiarn Yee Israel, jean mie da dty harvaant David my ayr shen ny yiall oo da, gra, Cha bee oo laccal dooinney ayns my hilley dy hoie er stoyl-reeoil Israel; my shen dy jean dty chloan tastey y ghoaill jeh nyn raad, dy hooyl kiongoyrt rhym, myr t’ou uss er hooyl kiongoyrt rhym.

1 Reeaghyn 8:61

Shen-y-fa lhig da’n cree eu ve firrinagh gys y Chiarn yn Jee ain, dy hooyl ayns e lattyssyn, as dy reayll e annaghyn, myr ec y laa t’ayn jiu.

1 Reeaghyn 9:4

As my nee uss shooyl kiongoyrt rhym myr ren David dt’ayr, ayns ônid cree, as ayns ynrickys, dy yannoo cordail rish ooilley ny ta mee er harey dhyt, as my reayllys oo my lattyssyn as my vriwnyssyn;

2 Reeaghyn 12:3

Agh cha row ny ard-ynnydyn foast treigit: ren y pobble kinjagh chebbal oural as lostey incense ayns ny ard-ynnydyn.

2 Reeaghyn 12:4

As dooyrt Jehoash rish ny saggyrtyn, Ooilley argid yn chooid chasherick t’er ny choyrt lesh stiagh gys thie’n Chiarn, eer argid y cheesh ta soit er kione dagh dooinney dy eeck, as ooilley’n argid ta dagh dooinney lesh cree arryltagh dy hebbal ayns thie’n Chiarn,

2 Reeaghyn 14:3

As ren eh shen ny va cairagh ayns shilley’n Chiarn, ny-yeih, cha nee myr David e ayr: deiyr eh ayns dy chooilley nhee er cliaghtaghyn Joash e ayr.

2 Reeaghyn 14:4

Ny-yeih, cha row ny ard-ynnydyn treigit: ren y pobble foast chebbal oural as lostey incense er ny ynnydyn ardey.

2 Reeaghyn 15:35

Ny-yeih, cha row ny ynnydyn ardey er nyn scughey: ren y pobble kinjagh chebbal oural as lostey incense ayns ny ynnydyn ardey. Hrog eh yn giat b’yrjey jeh thie yn Chiarn.

2 Reeaghyn 15:4

Agh ny-yeih cha row ny ynnydyn ardey er nyn scughey: ren y pobble chebbal oural as lostey incense kinjagh ayns ny ynnydyn ardey.

2 Reeaghyn 18:22

Agh my jir shiu rhym’s, Ta shin treishteil ayns y Chiarn y Jee ain: nagh nee shen eshyn, ny ynnydyn ard as ny altaryn echey ta Hezekiah er ghoaill ersooyl, as er ghra rish Judah as Jerusalem, Nee shiu ooashley ’choyrt kiongoyrt rish yn altar shoh ayns Jerusalem?

2 Reeaghyn 18:4

Hug eh sheese ny ynnydyn ardey, as vrish eh ny jallooyn, as yiare eh sheese ny keylljyn, as vrish eh ayns peeshyn yn ard-nieu prashey va Moses er n’yannoo: son ayns ny laghyn shen va cloan Israel lostey incense huggey: as denmys eh eh Nehushtan.

2 Recortyssyn 15:17

Agh cha row ny ard-ynnydyn er ny ghoaill ersooyl ass Israel: ny-yeih, va cree Asa ynrick ooilley e laghyn.

Psalmyn 145:20

Ta’n Chiarn coadey adsyn ooilley ta graihagh er: agh skeayley dy lhean ooilley ny mee-chrauee.

Psalmyn 31:23

Dy row booise gys y Chiarn: son t’eh er yeeaghyn dooys kenjallys yindyssagh ayns ard-valley lajer.

Leviticus 17:5

Er coontey dy vod cloan Israel cur lhieu nyn ourallyn, t’ad dy hebbal ayns y vagher foshlit, eer dy der ad lhieu ad gys y Chiarn, gys dorrys y chabbane-agglish gys y taggyrt, as y hebbal ad son ourallyn-shee gys y Chiarn.

Noo Mian 22:37

Dooyrt Yeesey rish, Ver oo graih da’n Chiarn dty Yee lesh ooilley dty chree, as lesh ooilley dty annym, as lesh ooilley dty aigney.

Noo Ean 14:15

My ta shiu graihagh orrym’s, freill-jee my annaghyn.

Noo Ean 14:21

Eshyn ta my annaghyn’s echey, as ta freayll ad, eshyn eh ta graihagh orrym’s: as eshyn ta graihagh orrym, ver my Ayr graih da, as ver-yms graih da, as soilshee-ym mee hene da.

Romanee 8:28

As ta fys ain dy vel dy chooilley nhee gobbraghey cooidjagh son y chooid share, dauesyn ta graihagh er Jee, dauesyn t’er nyn eam cordail rish e aigney.

1 Corinthianee 8:3

Agh my ta dooinney erbee graihagh er Jee, ta’n fer cheddin er ny ghoaill rish liorishyn.

Deuteronomy 10:12

As nish Israel, cre ta’n Chiarn dty Yee dy hirrey jeed, agh dy ghoaill aggle roish y Chiarn dty Yee, dy immeeaght ayns ooilley e raaidyn, as dy choyrt graih da, as dy hirveish y Chiarn dty Yee lesh ooilley dty chree, as lesh ooilley dty annym.

Deuteronomy 10:13

Dy reayll annaghyn y Chiarn, as ny slattyssyn echey ta mish dy harey dhyt er y laa jiu son dty oays hene?

Deuteronomy 11:13

As hig eh gy-kione, my ver shiu tastey imneagh da ny annaghyn ta mee dy harey diu yn laa jiu, dy choyrt graih da’n Chiarn nyn Yee, as dy hirveish eh lesh ooilley nyn gree, as ooilley nyn annym;

Deuteronomy 30:16

Liorish dy vel mee dy dty harey jiu, dy choyrt graih da’n Chiarn dty Yee, dy immeeaght ayns e raaidyn, as dy reayll e annaghyn, as e lattyssyn, as e vriwnyssyn, dy vod oo ve beayn, as bishaghey: as nee’n Chiarn dty Yee oo y vannaghey ’sy cheer, huggey t’ou goll dy chummal ayn.

Deuteronomy 30:20

Dy vod oo graih y choyrt da’n Chiarn dty Yee, as ve biallagh gys e choraa, as dy vod oo lhiantyn huggey [son eshyn dty vioys, as lhiurid dty laghyn] dy vod oo cummal ayns y cheer, vreear y Chiarn da dty ayraghyn, da Abraham, da Isaac, as da Jacob, dy choyrt daue.

Deuteronomy 30:6

As nee’n Chiarn dty Yee dty chree y yiarey-chymmylt, as cree dty luight, dy choyrt graih da’n Chiarn dty Yee, lesh ooilley dty chree, as lesh ooilley dt’annym, dy vod oo ve beayn.

Deuteronomy 6:5

As ver oo graih da’n Chiarn dty Yee, lesh ooilley dty chree, as lesh ooilley dty annym, as lesh ooilley dty niart.

Jamys 1:12

S’maynrey yn dooinney ta gymmyrkey fo seaghyn; son tra vees eh er ny phrowal, yiow eh yn attey dy vea, ta’n Chiarn er ghialdyn dauesyn ta graihagh er.

Jamys 2:5

Toig-jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?

1 Samuel 9:12

As dreggyr ad, as dooyrt ad, T’eh; cur-my-ner, t’eh reue: jean-jee siyr nish; son haink eh jiu gys yn ard-valley; son ta oural-feailley ec yn pobble dy hebbal jiu er yn ard-altar.