1 Reeaghyn 22:4 - Yn Vible Casherick 1775 1819

⁴ As dooyrt eh rish Jehoshaphat, Jed uss mârym’s gys y chaggey noi Ramoth-gilead? As dooyrt Jehoshaphat rish ree Israel, Ta mish myr t’ou uss, my phobble myr dty phobble’s, my chabbil myr ny cabbil ayd’s.

1 Reeaghyn 22:4 ပူးပေါင်းရင်းမြစ်များ

1 Reeaghyn 22:29

Myr shoh hie ree Israel, as Jehoshaphat ree Yudah, seose gys Ramoth-gilead.

1 Reeaghyn 22:5

As dooyrt Jehoshaphat rish ree Israel, Jean briaght, ta mee guee ort, ec goo’n Chiarn jiu.

1 Reeaghyn 4:13

Mac Geber ayns Ramoth-gilead; fosyn va baljyn Jair mac Vanasseh, t’ayns Gilead: fosyn va myrgeddin cheer Argob t’ayns Bashan, three-feed dy ard-valjyn mooarey lesh voallaghyn, as boltyn prashey.

2 Reeaghyn 3:7

As hie eh as hug eh chaghteryn gys Jehoshaphat ree Yudah, gra, Ta ree Voab er n’irree-magh m’oï: jig uss mârym’s noi Moab dy chaggey? As dooyrt eh, Hig-ym seose: ta mish myr t’ou hene, my phobble myr dty phobble’s, as ny cabbil aym’s myr ny cabbil ayd’s.

2 Recortyssyn 18:3

As dooyrt Ahab ree Israel rish Jehoshaphat ree Yudah, Jed uss mârym noi Ramoth-gilead? As dreggyr eh, Ta mish myr t’ou uss, as my phobble myr dty phobble’s, as bee mayd mayrt ayns y chaggey.

2 Recortyssyn 19:2

As hie Jehu mac Hanani yn fakyder magh ny whail, as dooyrt eh rish ree Jehoshaphat, Cre v’ayd’s dy yannoo ayns cooney lesh ny mee-chrauee, as dy hassoo lhieusyn ta dwoaie oc er y Chiarn? shen-y-fa ta’n Chiarn neu-wooiagh jeed.

Raaghyn Creeney 13:20

Eshyn ta taaghey marish deiney creeney, bee eh creeney: agh bee sheshey ommydanyn currit naardey.

1 Corinthianee 15:33

Ny bee-jee mollit; ta drogh heshaght cur mow ellyn mie.

Ephesianee 5:11

As ny lhig da sheshaght erbee ’ve eu rish obbraghyn neu-vessoil y dorraghys, agh ny sleaie cur oghsan daue:

2 Ean 1:11

Son eshyn ta goltaghey da, t’eh paarteeas mârish ayns e ghrogh-yannoo.

Ashlish 2:26

As eshyn ta geddyn y varriaght, as freayll my obbraghyn gys y jerrey dasyn ver-ym pooar harrish ny ashoonyn: