1 Reeaghyn 2:4 - Yn Vible Casherick 1775 1819

⁴ Dy vod y Chiarn e ghoo y yannoo mie, loayr eh my-mychione’s, gra, My ver dty chloan tastey da nyn raad, dy immeeaght kiongoyrt rhym’s ayns firrinys, lesh ooilley nyn gree as lesh ooilley nyn annym, cha bee oo laccal (as eshyn,) dooinney dy hoie er stoyl-reeoil Israel.

1 Reeaghyn 2:4 ပူးပေါင်းရင်းမြစ်များ

Genesis 17:1

As tra va Abram kiare-feed bleïn as nuy-jeig, ren y Chiarn eh-hene y hoilshaghey da Abram, as dooyrt eh rish, She mish yn Jee ooilley-niartal, jean gimmeeaght kiongoyrt rhym, as bee uss ynrick.

Genesis 18:19

Son ta fys aym, dy der eh sarey da e chloan as e lught-thie ny yeï, as freillee ad raaidyn y Chiarn, dy yannoo cairys as briwnys; dy vod y Chiarn cooilleeney da Abraham shen ny t’eh er loayrt my-e-chione.

2 Samuel 7:25

As nish, O Hiarn Yee, yn goo t’ou er loayrt mychione dty harvaant, as mychione e hie, jean eh y hickyraghey son dy bragh, as jean myr t’ou er ghra.

1 Reeaghyn 1:48

As dooyrt y ree ny-sodjey, Bannit dy row’n Chiarn Jee dy Israel, t’er choyrt fer dy hoie er my stoyl-reeoil jiu, my hooillyn hene eer jeeaghyn er.

1 Reeaghyn 11:36

As da e vac ver-ym un tribe, dy vod cainle ve ec David my harvaant dy kinjagh kiongoyrt rhym’s ayns Jerusalem, yn ard-valley ta mee er reih dou hene dy chur my ennym ayn.

1 Reeaghyn 3:14

As my nee oo shooyl ayns my raaidyn, dy reayll my lattyssyn as my haraghyn, myr ren dty ayr David, eisht nee’m dty laghyn dy ve beayn.

1 Reeaghyn 3:3

As hug Solomon graih da’n Chiarn, as huill eh ayns slattyssyn Ghavid e ayr: magh voish dy ren eh chebbal as lostey oural-incense er ny ard-ynnydyn.

1 Reeaghyn 6:12

Mychione yn thie shoh t’ou dy hroggal, my nee oo shooyl ayns my lattyssyn, as cooilleeney my vriwnyssyn, as freaylley ooilley my haraghyn, dy immeeaght ayndoo; eisht neem’s my ghoo y chooilleeney rhyt, loayr mee rish David dty ayr:

1 Reeaghyn 8:23

As dooyrt eh, Hiarn Yee Israel, cha vel Jee erbee casley rhyt’s ayns niau heose, ny er y thalloo wass, ta freayll conaant as myghin rish dty harvaantyn ta shooyl kiongoyrt rhyt lesh ooilley nyn gree;

1 Reeaghyn 8:25

Shen-y-fa nish, Hiarn Yee Israel, jean mie da dty harvaant David my ayr shen ny yiall oo da, gra, Cha bee oo laccal dooinney ayns my hilley dy hoie er stoyl-reeoil Israel; my shen dy jean dty chloan tastey y ghoaill jeh nyn raad, dy hooyl kiongoyrt rhym, myr t’ou uss er hooyl kiongoyrt rhym.

1 Reeaghyn 9:5

Eisht neem’s stoyl-reeoil dty reeriaght er Israel y niartaghey son dy bragh, myr ren mee gialdyn da David dt’ayr, gra, Cha bee oo laccal dooinney dy hoie er stoyl-reeoil Israel.

2 Reeaghyn 20:3

Cooinee nish, ta mee guee ort, O Hiarn, kys ta mee er n’immeeaght kiongoyrt rhyt ayns ynrickys, as lesh cree firrinagh, as er n’yannoo shen ny ta mie ayns dty hilley. As cheayn Hezekiah dy sharroo.

2 Reeaghyn 23:25

As roishyn cha row ree erbee goll-rish, hyndaa gys y Chiarn lesh ooilley e chree, as lesh ooilley e annym, as lesh ooilley e niart, cordail rish ooilley leigh Voses; chamoo hrog fer erbee ny lurg casley rishyn.

2 Reeaghyn 23:3

As hass y ree liorish pillar, as ren eh conaant kiongoyrt rish y Chiarn, dy n’eiyragh ad er y Chiarn, as dy reayll e annaghyn as e recortyssyn as e lattyssyn, lesh ooilley nyn gree as ooilley nyn annym, dy chooilleeney goan y chonaant shoh va scruit ayns y lioar shoh: as hass ooilley yn pobble gys y chonaant.

1 Recortyssyn 28:9

As uss Solomon, my vac, toig aigney Yee dty ayrey, as jean eh y hirveish lesh cree firrinagh, as lesh aigney arryltagh: son ta’n Chiarn ronsaghey magh dy chooilley chree, as toiggal ooilley ny smooinaghtyn t’ayndoo. My t’ou dy hirrey eh, bee eh er ny gheddyn liort; agh my hreigys oo eh, nee eh dty hreigeil son dy bragh.

2 Recortyssyn 17:3

As va’n Chiarn marish Jehoshaphat, er-y-fa dy jimmee eh ayns ny shenn raaidyn e ayr David, as cha deiyr eh er Baalim;

2 Recortyssyn 6:16

Nish er-y-fa shen, O Hiarn Yee Israel, freill da dty harvaant David m’ayr shen ny yiall oo da, gra, Cha bee oo laccal dooinney ayns my hilley’s dy hoie er stoyl-reeoil Israel; my she shen, dy jean dty chloan tastey ’ghoaill jeh nyn raad dy hooyl ayns my leigh, myr t’ou uss er hooyl kiongoyrt rhym’s.

2 Recortyssyn 7:18

Eisht neem’s stoyl-reeoil dty reeriaght y hickyraghey, myr ren mee conaant rish David dt’ayr, gra, Cha bee dooinney jeh dty luight dty laccal dy reill ayns Israel.

Psalmyn 119:9

Cre’n aght nee dooinney aeg e raaidyn y reayll glen: dy jarroo liorish reill eh-hene cordail rish dty ghoo?

Psalmyn 37:22

Nee adsyn ta bannit dy Yee, baghey ’sy cheer: as adsyn t’eh er gheyrey vees astyrit ass ny fraueyn.

Psalmyn 37:9

Bee drogh-yantee er nyn astyrt ass ny fraueyn: as adsyn ta dy surransagh farkiaght er y Chiarn, yiow ad shoh eiraght ’sy cheer.

Psalmyn 39:1

Dooyrt mee, Goym tastey jeh my raaidyn: nagh jean-ym peccah lesh my hengey.

Jeremiah 33:17

Son shoh myr ta’n Chiarn dy ghra, Cha bee David dy bragh laccal dooinney dy hoie er stoyl-reeoil thie Israel;

Leviticus 26:3

My nee shiu shooyl ayns my lattyssyn, as freayll m’annaghyn, as jannoo ad;

Zechariah 14:2

Son chaglee-ym ooilley ny ashoonee noi Jerusalem dy chaggey, as bee’n ard-valley er ny ghoaill, as bee ny thieyn er ny roostey, as bee ny mraane goit er-êgin, as hed y derrey lieh jeh’n ard-valley magh ayns cappeeys, as cha bee yn chooid elley jeh’n pobble er ny yiarey jeh veih’n ard-valley.

Noo Mian 22:37

Dooyrt Yeesey rish, Ver oo graih da’n Chiarn dty Yee lesh ooilley dty chree, as lesh ooilley dty annym, as lesh ooilley dty aigney.

Noo Luke 1:6

As v’ad ny-neesht cairagh kiongoyrt rish Jee, gimmeeaght ayns ooilley annaghyn as oardaghyn y Chiarn gyn loght.

Deuteronomy 10:12

As nish Israel, cre ta’n Chiarn dty Yee dy hirrey jeed, agh dy ghoaill aggle roish y Chiarn dty Yee, dy immeeaght ayns ooilley e raaidyn, as dy choyrt graih da, as dy hirveish y Chiarn dty Yee lesh ooilley dty chree, as lesh ooilley dty annym.

Deuteronomy 11:13

As hig eh gy-kione, my ver shiu tastey imneagh da ny annaghyn ta mee dy harey diu yn laa jiu, dy choyrt graih da’n Chiarn nyn Yee, as dy hirveish eh lesh ooilley nyn gree, as ooilley nyn annym;

Deuteronomy 6:5

As ver oo graih da’n Chiarn dty Yee, lesh ooilley dty chree, as lesh ooilley dty annym, as lesh ooilley dty niart.

Deuteronomy 7:12

Shen-y-fa hig eh gy-kione, my eaishtys shiu rish ny briwnyssyn shoh, dy reaylley as dy yannoo ad; dy jean y Chiarn dty Yee freayll rhyt’s yn conaant as y myghin vreear eh da dty ayraghyn.

Jude 1:24

Nish huggeysyn ta abyl dy reayll shiu veih tuittym, as dy hebbal shiu gyn loght kionfenish e ghloyr lesh boggey erskyn towse,