1 Reeaghyn 2:2 - Yn Vible Casherick 1775 1819

² Ta mee goll raad ooilley’n seihll: bee uss dunnal er-y-fa shen, as jeeagh oo-hene dty ghooinney;

1 Reeaghyn 2:2 ပူးပေါင်းရင်းမြစ်များ

2 Samuel 10:12

Bee jeh cree mie, as lhig dooin caggey myr deiney son y pobble ain, as son ard-valjyn y Jee ain: as aigney-mie’n Chiarn dy row jeant.

2 Samuel 12:23

Agh nish dy vel eh marroo, cre’n-fa yinnin trostey? voddym’s eshyn y choyrt lhiam back reesht? Hem’s huggeysyn, agh cha jig eshyn hym’s.

1 Reeaghyn 3:7

As nish, O Hiarn my Yee, t’ou er n’yannoo dty harvaant ny ree ayns ynnyd Ghavid my ayr: as cha vel mee agh myr lhiannoo; cha vel tushtey aym kys dy gholl magh, ny dy heet stiagh [roish y pobble shoh].

1 Recortyssyn 22:13

Eisht nee oo bishaghey, my vees oo imneagh, dy chooilleeney ny slattyssyn as ny briwnyssyn shen, hug y Chiarn ayns currym da Moses mychione Israel: bee creeoil as dunnal; ny gow aggle, ny caill dty chree.

1 Recortyssyn 22:16

Dy airh, argid, prash, as yiarn, erskyn earroo. Trog ort, er-y-fa shen, as gow er dty hoshiaght, as y Chiarn dy row mayrt.

1 Recortyssyn 28:10

Cur tastey nish; son ta’n Chiarn er reih oo dy hroggal thie son yn ynnyd casherick: bee creeoil, as jean eh.

1 Recortyssyn 28:20

As dooyrt David rish Solomon e vac, Bee dunnal, as creeoil, as jean eh: ny bee fo aggle ny imnea; son bee’n Chiarn Jee, eer y Jee aym’s mayrt, cha jean eh failleil ny treigeil oo, agh ver oo kione er ooilley’n obbyr son shirveish thie’n Chiarn.

Lioar Yob 16:22

Tra vees earroo giare my vleeantyn ec kione, eisht hem y raad veih nagh vel chyndaa.

Lioar Yob 30:23

Son ta fys aym dy der oo lhiat mee gys stayd ny merriu, gys y thie shen ta kiarit son ooilley ny bioee.

Psalmyn 89:48

Hiarn, cre vel dty henn chenjallyssyn-graihagh: yiall oo lesh breearrey da David ayns dt’irriney?

Ecclesiastes 12:13

Lhig dooin clashtyn jerrey’n slane cooish: gow aggle roish Jee, as freill e annaghyn; son shoh slane currym dooinney.

1 Corinthianee 16:13

Bee-jee er nyn arrey, shass-jee shickyr ’sy chredjue, ymmyrk-jee shiu hene myr deiney, bee-jee dunnal.

Ephesianee 6:10

Er-jerrey, my vraaraghyn, bee-jee niartal ayns y Chiarn, as ayns pooar e hroshid.

Deuteronomy 31:23

As hug eh currym da Joshua mac Nun, as dooyrt eh, Prow lajer as dunnal: son ver oo lhiat cloan Israel, gys y cheer yiall mee daue: as beem’s mayrt.

1 Timothy 4:12

Ny lhig da dooinney erbee beg y hoiaghey jeh dty aegid, agh bee dty hampleyr dauesyn ta credjal, ayns goo, ayns ymmyrkey-bea, ayns graih, ayns spyrryd, ayns credjue, ayns glennid.

2 Timothy 2:1

Bee uss er-y-fa shen, my vac, niartal ayns y ghrayse ta ayns Creest Yeesey.

Hebrewnee 9:27

As ’naght myr te er ny phointeil da deiney dy gheddyn baase un cheayrt, agh lurg shoh yn vriwnys:

Joshua 23:14

As cur-jee my-ner, ta mee nish goll raad ooilley’n seihll, as ta fys eu ayns ooilley nyn greeaghyn, as nyn anmeenyn, nagh vel nhee erbee er vailleil jeh ooilley ny reddyn mie ta’n Chiarn nyn Yee er loayrt mychione eu; t’ad ooilley er jeet gys kione, as cha vel red hene jeu nagh vel cooilleenit.