1 Reeaghyn 17:3 - Yn Vible Casherick 1775 1819

³ Immee royd veih shoh, as chyndaa lesh y shiar as follee oo-hene liorish yn strooan Cherith, ta liorish Jordan.

1 Reeaghyn 17:3 ပူးပေါင်းရင်းမြစ်များ

1 Reeaghyn 17:2

As haink goo’n Chiarn huggey, gra,

1 Reeaghyn 17:4

As hig eh gy-kione, dy jean oo giu ass y trooan; as ta mee er chur sarey da cummaltee Oreb dy dty veaghey ayns shen.

1 Reeaghyn 22:25

As dooyrt Micaiah, Cur-my-ner, nee uss fakin er y laa shen, tra hed oo stiagh veih shamyr gys shamyr dy ollaghey oo-hene.

Psalmyn 31:20

Lhig da ny meillyn breagagh ve er nyn goyrt nyn dhost: ta dy dewil, dy mooaralagh, as dy olkyssagh loayrt noi’n vooinjer chairagh.

Psalmyn 83:3

T’ad er ghoaill smooinaghtyn croutagh noi dty phobble: as er chur nyn goyrle dy cheilley noi dty chloan chasherick.

Jeremiah 36:19

Eisht dooyrt ny princeyn rish Baruch, Immee royd as follee oo hene, uss as Jeremiah, as ny lhig da fys ’ve ec dooinney erbee cre raad vees shiu.

Jeremiah 36:26

Agh doardee yn ree da Jerahmeel mac Hammelech, as Seraiah mac Azriel, as Shelemiah mac Abdeel, dy ghoaill yn scrudeyr Baruch, as Jeremiah yn phadeyr: agh ren y Chiarn ad y cheiltyn.

Noo Ean 8:59

Eisht hrog ad claghyn dy cheau er: agh cheill Yeesey eh-hene voue, as hie eh magh ass y chiamble, goll trooid y cheeid oc, as myr shen hie eh shaghey.

Jannoo 17:14

Er shoh hug ny braaraghyn ersooyl Paul jeeragh, myr dy beagh eh dy ghoaill lhuingys: agh duirree Silas as Timothy ayns shen.

Hebrewnee 11:38

(Jeu shoh cha row yn seihll feeu) v’ad er-chea ayns faasaghyn, as ayns sleityn, as ayns ooigyn as guaggyn ny hooirey.

Ashlish 12:14

As da’n ven v’er ny choyrt daa skian dy urley vooar, dy voddagh ee getlagh gys yn aasagh, gys yn ynnyd eck hene: raad ta beaghey kiarit j’ee son traa, as traaghyn, as lieh traa, veih eddin yn ard-nieu.

Ashlish 12:6

As hie yn ven er-chea gys yn aasagh, raad ta boayl eck kiarit liorish Jee dy jinnagh ad ish y veaghey ayns shen thousane daa cheead as three-feed laa.