1 Reeaghyn 15:3 - Yn Vible Casherick 1775 1819

³ As deiyr eh er ooilley peccaghyn e ayrey: as cha row e chree firrinagh gys y Chiarn e Yee, myr va cree Ghavid e ayr.

1 Reeaghyn 15:3 ပူးပေါင်းရင်းမြစ်များ

1 Reeaghyn 11:33

Er-yn-oyr dy vel ad er m’y hreigeil, as er chur ooashley da Ashtoreth, jee ny Zidonianee, Chemosh jee ny Moabiteyn, as Milcom jee cloan Ammon; as nagh vel ad er n’immeeaght ayns my raaidyn’s, dy yannoo shen ny ta cairagh ayns my hilley, as dy reayll my lattyssyn as my vriwnyssyn, myr ren David e ayr.

1 Reeaghyn 11:4

Son haink eh gy-kione, tra va Solomon shenn, dy violee e vraane eh dy eiyrt er jeeghyn elley: as cha row e chree ynrick gys y Chiarn e Yee, myr va cree Ghavid e ayr.

1 Reeaghyn 15:14

Agh cha row ny ard-ynnydyn er nyn goyrt sheese: ny-yeih, va cree Asa firrinagh gys y Chiarn ooilley e laghyn.

1 Reeaghyn 3:14

As my nee oo shooyl ayns my raaidyn, dy reayll my lattyssyn as my haraghyn, myr ren dty ayr David, eisht nee’m dty laghyn dy ve beayn.

1 Reeaghyn 3:3

As hug Solomon graih da’n Chiarn, as huill eh ayns slattyssyn Ghavid e ayr: magh voish dy ren eh chebbal as lostey oural-incense er ny ard-ynnydyn.

2 Reeaghyn 20:3

Cooinee nish, ta mee guee ort, O Hiarn, kys ta mee er n’immeeaght kiongoyrt rhyt ayns ynrickys, as lesh cree firrinagh, as er n’yannoo shen ny ta mie ayns dty hilley. As cheayn Hezekiah dy sharroo.

2 Recortyssyn 25:2

As ren eh shen ny va cairagh ayns shilley’n Chiarn, agh cha nee lesh slane ynrickys cree.

Psalmyn 119:80

O lhig da my chree v’er ny hickyraghey ayns dty lattyssyn: nagh bee nearey orrym.

Deuteronomy 17:20

Nagh bee e chree troggit seose erskyn e vraaraghyn, as nagh jean ad lhoobey veih sarey’n Chiarn, gys y laue yesh ny gys y laue hoshtal: dy vod e laghyn ve beayn ayns e reeriaght; eh hene, as e chloan ayns mean Israel.

1 Samuel 25:28

Leih dou, ta mee guee ort, loght dty harvaant: son nee’n Chiarn son shickyrys thie my hiarn y niartaghey: er-yn-oyr dy vel my hiarn caggey ayns lieh’n Chiarn, as cha vel olkys er ve cronnit aynyd ooilley dty laghyn.