1 Reeaghyn 13:9 - Yn Vible Casherick 1775 1819

⁹ Son shoh myr ve curmit orrym liorish goo’n Chiarn, gra, Ny jean gee arran, ny giu ushtey, ny chyndaa reesht er y raad haink oo.

1 Reeaghyn 13:9 ပူးပေါင်းရင်းမြစ်များ

1 Reeaghyn 13:1

As cur-my-ner, haink dooinney dy Yee veih Judah liorish goo’n Chiarn gys Beth-el: as hass Jeroboam liorish yn altar dy hebbal incense.

1 Reeaghyn 13:10

Myr shoh ghow eh raad elley, as cha hyndaa eh er y raad haink eh gys Beth-el.

1 Reeaghyn 13:16

As dooyrt eh, Cha negin dou chyndaa mayrt, ny goll stiagh mayrt; chamoo nee’m gee arran ny giu ushtey mayrt ’syn ynnyd shoh:

1 Reeaghyn 13:19

Myr shoh hie eh back mârish, as d’ee eh arran ayns e hie, as diu eh ushtey.

1 Reeaghyn 13:8

As dooyrt yn dooinney dy Yee rish y ree, My ver oo dou lieh jeh dty hie cha jem stiagh mayrt, chamoo nee’m gee arran ny giu ushtey ’syn ynnyd shoh:

Lioar Yob 23:12

Chamoo ta mee er hyndaa veih slattys e veillyn; ta mee er hoiaghey ny smoo jeh goan e veeal na jeh my veaghey ymmyrchagh.

Psalmyn 141:4

O ny lhig da my chree ve er ny lhoobey gys drogh obbyr erbee: ny lhig dou raad y choyrt dou hene ayns cliaghtaghyn mee-chrauee, mâroosyn ta gobbraghey olk; er-aggle dy goym commee jeh ny t’ad goaill taitnys ayn.

Earrooyn 16:26

As loayr eh rish y cheshaght gra, Scugh-jee, ta mee guee erriu, veih cabbaneyn ny deiney mee-chrauee shoh, as ny benn-jee rish veg dy vel lhieu, nagh bee shiu er nyn stroie ayns ooilley ny peccaghyn oc.

Noo Ean 13:17

My ta fys eu er ny reddyn shoh, s’maynrey vees shiu my nee shiu ad y yannoo.

Noo Ean 15:14

She my chaarjyn shiuish, my nee shiu ny ta mish dy harey diu.

Romanee 16:17

Nish ta mee guee erriu, vraaraghyn, gow-jee tastey jeusyn ta kyndagh jeh anvea as scammyltyn, ta noi’n chredjue ta shiuish er n’ynsaghey; as chea-jee voue.

1 Corinthianee 5:11

Agh nish ta mee er scrieu hiu, gyn sheshaght y reayll, my ta dooinney erbee ta enmyssit braar ny vaarderagh, ny sayntoilagh, ny jallooder, ny fer scammyltagh, ny meshtyllagh, ny ny hranlaasagh, marish lheid y fer wheesh as gyn dy ghoaill bee.

Ephesianee 5:11

As ny lhig da sheshaght erbee ’ve eu rish obbraghyn neu-vessoil y dorraghys, agh ny sleaie cur oghsan daue:

Ashlish 18:4

As cheayll mee coraa elley veih niau, gra, Tar-jee magh ass-jee, my phobble, nagh bee shiu sheshaghyn mâree ayns e peccaghyn, as nagh gow shiu ayrn jeh’n kerraghey dewil eck.

1 Samuel 15:22

As dooyrt Samuel, Vel wheesh dy haitnys ec y Chiarn ayns ourallyn-losht as chebballyn, as t’echey ayns biallys da coraa’n Chiarn? Cur-my-ner, ta biallys ny share na oural, as dy choyrt ammys, na riurid reaghyn.