1 Reeaghyn 13:4 - Yn Vible Casherick 1775 1819

⁴ As haink eh gy-kione, tra cheayll ree Jeroboam raa yn dooinney dy Yee, v’eh er n’ockley magh noi’n altar ayns Beth-el, dy heeyn eh magh e laue veih’n altar, gra, Gow-jee greme er. As va e laue, heeyn eh magh n’oï, shirkit seose, myr shen nagh voddagh eh tayrn eh stiagh huggey reesht.

1 Reeaghyn 13:4 ပူးပေါင်းရင်းမြစ်များ

Genesis 19:11

As woaill ad ny deiney v’ec dorrys y thie lesh dellid, chammah beg as mooar: myr shen dy ren ad skee jeu hene dy gheddyn y dorrys.

1 Reeaghyn 12:29

As hoie eh yn derrey yeh ayns Beth-el, as yn jeh elley hoie eh ayns Dan.

1 Reeaghyn 13:3

As hug eh cowrey yn laa cheddin, gra, Shoh’n cowrey ta’n Chiarn er loayrt; Cur-my-ner, bee’n altar er ny vrishey, as yn leoie t’er er ny gheayrtey magh.

1 Reeaghyn 13:5

Va’n altar myrgeddin er ny vrishey, as yn leoie deayrtit magh veih’n altar, cordail rish yn cowrey va’n dooinney dy Yee er choyrt liorish goo’n Chiarn.

1 Reeaghyn 22:27

As abbyr roo, Shoh myr ta’n ree dy ghra, Cur-jee yn fer shoh ayns pryssoon, as jean-jee eh y veaghey lesh arran dy heaghyn, as lesh ushtey dy heaghyn, derrey hig-yms reesht ayns shee.

2 Recortyssyn 16:10

Eisht va Asa jymmoosagh rish y phadeyr, as hug eh eh ayns pryssoon; son v’eh jiarg-chorree rish, son ny dooyrt eh. As ren Asa tranlaase er shiartanse jeh’n pobble ec y traa cheddin.

Psalmyn 105:15

Ny benn-jee rish my Er-ooilit: as ny jean-jee veg y skielley da my adeyryn.

Noo Mian 25:40

As freggyree yn Ree, as jir eh roo, Dy firrinagh ta mee gra riu, Ayns wheesh as dy vel shiu er n’yannoo eh son y fer sloo jeu shoh my vraaraghyn, ta shiu er n’yannoo eh er my hon’s.

Noo Mian 26:57

As leeid y vooinjer v’er ghoaill Yeesey eh ersooyl gys Caiaphas yn ard-saggyrt, raad va ny scrudeyryn as y chanstyr er nyn jaglym cooidjagh.

Noo Luke 6:10

As yeeagh eh mygeayrt orroo ooilley, as dooyrt eh rish y dooinney, Sheeyn magh dty laue. As ren eh shen; as va’n laue echey er ny lheihys myr y laue elley.

Noo Ean 13:20

Dy firrinagh firrinagh ta mee gra riu, Eshyn ta jannoo soiagh jeh quoi-erbee ta mee dy choyrt, t’eh jannoo soiagh jeem’s: as eshyn ta soiaghey jeem’s, t’eh soiaghey jehsyn t’er my choyrt.

Noo Ean 18:6

Cha leah eisht as v’eh er ghra roo, Mish eh, hie ad gour nyn drommey, as huitt ad gys y thalloo.

Ashlish 11:5

As my nee dooinney erbee aggair daue, ta aile cheet magh ass nyn meeal, dy stroie nyn noidyn: as my nee dooinney erbee aggair daue, shoh myr vees eh er ny choyrt dy baase.