1 Reeaghyn 13:2 - Yn Vible Casherick 1775 1819

² As hrog eh seose e choraa noi’n altar liorish goo’n Chiarn, as dooyrt eh, O altar, altar, myr shoh ta’n Chiarn dy ghra, cur-my-ner, bee lhiannoo er ny ruggey da thie Ghavid, e ennym Josiah; as ort’s nee eh chebbal saggyrtyn ny ard-ynnydyn ta lostey incense ort, as bee craueyn deiney er nyn lostey ort’s.

1 Reeaghyn 13:2 ပူးပေါင်းရင်းမြစ်များ

1 Reeaghyn 13:32

Son nee’n raa, ren eh fockley magh liorish goo’n Chiarn noi’n altar ayns Beth-el, as noi ooilley thieyn ny ard-ynnydyn t’ayns ard-valjyn Samaria, son shickyrys cheet gy-kione.

2 Recortyssyn 34:1

Va Josiah hoght bleeaney d’eash tra ghow eh toshiaght dy reill, as ren eh reill ayns Jerusalem un vleïn jeig as feed.

2 Recortyssyn 34:3

Son ayns y hoghtoo vleïn jeh e reill, choud’s v’eh foast aeg, v’eh aggindagh dy hirveish Jee Ghavid e ayr: as ’sy nah vleïn yeig ren eh toshiaght dy scughey ass Judah as Jerusalem ny ard-ynnydyn, as ny keylljyn, as ny jallooyn grainnit, as ny jallooyn lheït.

Isaiah 1:2

Clasht-jee, O shiuish niaughyn, as eaisht, O halloo: son ta’n Chiarn er loayrt, Ta mee er voandyrys as er hroggal cloan, agh t’ad er n’irree-magh m’oï.

Isaiah 42:9

Cur-my-ner, ta shen dinsh mee ro-laue er jeet gy-kione, as nish ta mee soilshaghey reddyn noa: roish my jig ad er-ash ta mee fockley-magh ad.

Isaiah 46:10

Soilshaghey yn jerrey veih’n toshiaght, as veih ny shenn earishyn ny reddyn nagh vel foast er daghyrt, gra, Nee my choyrle shassoo, as cooilleen-ym ooilley my aigney:

Isaiah 58:1

Yllee dy ard, ny lhig sheese dty ghoo; trog seose dty choraa myr trumpet, as soilshee da my phobble nyn ghrogh-yannoo, as da thie Yacob nyn beccaghyn.

Jeremiah 1:2

Huggeysyn haink goo yn Chiarn rish lhing Yosiah mac Amon ree Yudah, ayns y trass vleïn jeig jeh e reill.

Jeremiah 22:29

O ooir, ooir, ooir, clasht rish goo yn Chiarn:

Ezekiel 36:1

Myrgeddin, uss vac y dooinney, jean phadeyrys gys sleityn Israel, as abbyr, Shiuish sleityn Israel, clasht-jee rish goo yn Chiarn.

Ezekiel 36:4

Shen-y-fa shiuish sleityn Israel, clasht-jee goo yn Chiarn Jee, Myr shoh ta’n Chiarn Jee dy ghra, rish ny sleityn, as rish ny croink, rish ny awinyn, as rish ny glionteenyn, rish ny fadaneyssyn follym-faase, as rish ny ard-valjyn treigit, haink dy ve son spooilley as craid da’n chooid elley jeh ny ashoonee ta mygeayrt.

Ezekiel 38:4

As neem’s uss y chastey reesht, as ver-ym dooanyn ayns dty cheeillyn, as ver-ym lhiam magh oo, as ooilley dty heshaghtyn-caggee, cabbil as markee, ooilley coamrit ayns dy chooilley cheint dy eilley-caggee, eer sheshaght vooar lesh buckleryn as scapeyn, dy chooilley ghooinney jeu loaghtey yn cliwe.

Noo Luke 19:40

As dreggyr eshyn, as dooyrt eh roo, Ta mee ginsh diu, my chummagh ad shoh nyn jengey, dy jinnagh ny eer claghyn troggal seose nyn goraa.

Deuteronomy 32:1

Eaisht-jee, O shiuish niaughyn, as neem’s loayrt; as clasht, O halloo, rish goan my veeal.