1 Reeaghyn 11:3 - Yn Vible Casherick 1775 1819

³ As va shiaght cheead ben echey, princessyn, as three cheead oainjyr: as hyndaa e vraane ersooyl e chree.

1 Reeaghyn 11:3 ပူးပေါင်းရင်းမြစ်များ

2 Recortyssyn 11:21

As bynney lesh Rehoboam Maachah inneen Absalom, erskyn ooilley e vraane as e cho-lhiabbee: (son ghow eh hoght mraane jeig, as three-feed co-lhiabbagh, as v’echey hoght mec as feed, as three-feed inneen).

Esther 1:18

Yn ansoor cheddin ver ooilley mraane seyr Phersia as Media nish, da ooilley princeyn y ree, ta er chlashtyn jeh ymmyrkey yn ven-reïn. As bee shoh oyr lane mee-viallys as anvea.

Ecclesiastes 2:8

Haggil mee dou hene myrgeddin argid as airh, as ard-verchys reeaghyn as rheamyn: hooar mee dou hene deiney as mraane kiaullee, as eunyssyn cloan gheiney, lheid as greinyn-kiaullee, jeh dy chooilley horch.

Ecclesiastes 7:28

Shen ta my annym dy yeearree, agh cha jig eh lhiam: un dooinney mastey thousane ta mee er gheddyn: agh ben, mastey ooilley’n earroo shoh, cha vel mee er gheddyn:

Arrane Solomon 6:8

Ta three-feed princess, as kiare-feed co-lhiabbagh, marish ymmodee moidynyn:

Arrane Solomon 6:9

Agh she my chalmane aalin ta my ynrycan graih; t’eeish lhiannoo ynrycan e moir, ynrycan ennoil jeeish hug gys y theihll ee: honnick ny moidynyn ee, as vannee ad ee, ny princessyn neesht, as ny co-lhiabbee hug moylley jee.

Deuteronomy 17:17

Chamoo nee eh bishaghey mraane da hene, nagh bee e chree chyndaït ersooyl: chamoo nee eh dy mooar bishaghey da hene argid as airh.

Briwnyn 3:6

As ghow ad ny inneenyn oc dy ve son mraane daue, as hug ad ny inneenyn oc hene da ny mec ocsyn, as hirveish ad ny jeeghyn oc.

Briwnyn 9:5

As hie eh gys thie e ayr ec Ophrah, as varr eh e vraaraghyn mec Jerubbaal, three-feed as jeih persoonyn, er yn un chreg: ny-yeih, va Jotham mac saa Jerubbaal faagit; son dollee eh eh-hene.