1 Reeaghyn 10:3 - Yn Vible Casherick 1775 1819

³ As dinsh Solomon jee ooilley ny questionyn eck: cha row red erbee follit veih’n ree, nagh dinsh eh jee.

1 Reeaghyn 10:3 ပူးပေါင်းရင်းမြစ်များ

2 Samuel 14:17

Eisht dooyrt dty harvaant, Bee ansoor my hiarn y ree nish gerjoilagh: son myr ainle Yee, shen myr ta my hiarn y ree dy chur tastey dy vriwnys eddyr mie as sie; shen-y-fa bee’n Chiarn dty Yee mayrt.

2 Samuel 14:20

Dy choyrt lesh mygeayrt yn aght dorraghey shoh dy ghlare ta dty harvaant Joab er n’yannoo shoh: as ta my hiarn creeney, cordail rish creenaght ainle Yee, dy hoiggal dy chooilley nhee ’sy theihll.

1 Reeaghyn 10:1

As tra cheayll ben-reïn Sheba jeh goo Solomon, mychione ennym y Chiarn, haink ee dy phrowal eh lesh questionyn dorraghey.

1 Reeaghyn 10:2

As haink ee gys Jerusalem lesh sheshaght feer vooar, as camelyn laadit lesh spiceyn, as weight airh, as jewellyn costal: as tra v’ee er jeet gys Solomon, loayr ee rish jeh ooilley ny v’eck ayns e cree.

1 Reeaghyn 10:4

As tra va ben-reïn Sheba er vakin ooilley creenaght Solomon, as yn thie v’eh er hroggal,

1 Reeaghyn 3:12

Cur-my-ner, ta mee er n’yannoo cordail rish dty ghoan: jeeagh, ta mee er choyrt dhyt cree creeney as tushtagh, myr shen nagh row unnane erbee roish dty hraa casley rhyt, chamoo dty lurg nee unnane erbee troggal seose corrym rhyt.

2 Recortyssyn 9:2

As hug Solomon bun er ooilley ny questionyn eck: as cha row nhee erbee keillit veih Solomon nagh hoilshee eh jee.

Raaghyn Creeney 13:20

Eshyn ta taaghey marish deiney creeney, bee eh creeney: agh bee sheshey ommydanyn currit naardey.

Isaiah 42:16

As ver-ym lhiam ny doail er raad nagh row nyn oayll; leeid-ym ad ayns cassanyn nagh bione daue: nee’m yn dorraghys y yannoo sollys rhymboo, as ny raaidyn cammey jeeragh. Ny reddyn shoh nee’m er nyn son, as cha dreig-ym ad.

Noo Mian 13:11

Dreggyr eshyn, as dooyrt eh roo, Er-yn-oyr dy vel eh er ny choyrt diuish folliaghtyn reeriaght niau y hoiggal, agh dauesyn cha vel eh er ny choyrt.

Noo Ean 7:17

My vees dooinney erbee aggindagh yn aigney echeysyn y yannoo, yiow eh toiggal jeh’n ynsagh, nee veih Jee te, ny vel mee loayrt jee’m pene.

1 Corinthianee 1:30

Agh jehsyn ta shiuish ayns Creest Yeesey eshyn ta liorish Jee er ny yannoo dooinyn creenaght, as cairys, as casherickys, as livrey-ys:

Colossianee 2:3

Ayn ta follit dy chooilley verchys dy chreenaght as tushtey.