1 Reeaghyn 10:2 - Yn Vible Casherick 1775 1819

² As haink ee gys Jerusalem lesh sheshaght feer vooar, as camelyn laadit lesh spiceyn, as weight airh, as jewellyn costal: as tra v’ee er jeet gys Solomon, loayr ee rish jeh ooilley ny v’eck ayns e cree.

1 Reeaghyn 10:2 ပူးပေါင်းရင်းမြစ်များ

Genesis 18:33

As hie yn Chiarn roish, erreish da’n taggloo shoh ve echey rish Abraham: As hie Abraham reesht gys e chummal hene.

1 Reeaghyn 10:10

As hug ee da’n ree keead talent as feed dy airh, as stoyr yindyssagh dy spiceyn, as jewellyn costal: cha daink arragh lheid y palchey dy spiceyn, as ad shoh hug ben-reïn Sheba da ree Solomon.

1 Reeaghyn 10:3

As dinsh Solomon jee ooilley ny questionyn eck: cha row red erbee follit veih’n ree, nagh dinsh eh jee.

2 Reeaghyn 20:13

As ren Hezekiah mooar jeu, as yeeagh eh daue ooilley cooid verchagh e hie, yn argid, as yn airh, as ny spiceyn, as yn ooil costal, as ooilley thie e eilley-caggee, as ooilley ny v’eh er ny gheddyn ayns ny tashtaghyn echey: cha row nhee erbee ayns y thie, ny ayns ooilley y reeriaght echey, nagh yeeagh Hezekiah daue.

2 Reeaghyn 5:5

As dooyrt ree Syria, Immee, as ver-yms screeuyn gys ree Israel. As hie eh roish, as ghow eh mârish jeih talentyn dy argid, as jeih thousane peesh dy airh, as jeih caghlaaghyn coamrey.

2 Reeaghyn 5:9

Myr shen haink Naaman lesh e chabbil, as lesh e ainagh, as hass eh ec dorrys thie Elisha.

Lioar Yob 4:2

My ghoys mayd orrin dy resooney rhyt, nagh jean oo goaill olk rish? agh quoi oddys eh-hene y smaghtaghey veih loayrt?

Psalmyn 4:4

Shass-jee ayns aggle, as ny jean-jee peccah: smooinee-jee dy dowin ayns nyn gree hene, as ayns nyn shamyr, as bee-jee ec shee.

Psalmyn 72:10

Reeaghyn Tarshish as ny ellanyn ver ad lhieu toyrtyssyn: ver reeaghyn Arabia as Saba lhieu giootyn.

Exodus 25:6

Ooil son soilshey, spiceyn ooiley, as son oural-millish.

Isaiah 30:6

Errey maase y jiass: as ver ad lhieu nyn merchys er geayltyn assylyn aegey gys cheer dy heaghyn as angaish, as nyn dashtaghyn er droynyn camelyn gys pobble jeh beggan foays daue, veih shen ta cheet yn lion aeg as shenn, yn cretoor nieunagh, as yn ard-nieu aileagh skianagh.

Ezekiel 27:22

Va marchanyn Sheba as Raamah ny marchanyn ayd’s, ren ad dellal ayns dty vargaghyn, lesh ooilley ny ard-spiceyn, as lesh dy chooilley horch dy chlaghyn costal, as airh.

Noo Luke 24:15

As haink eh gy-kione, choud as v’ad taggloo as resooney ry-cheilley, dy daink Yeesey hene er-gerrey, as dy jagh eh mâroo.

Jannoo 25:23

As laa-ny-vairagh, tra va Agrippa er jeet, as Bernice ayns stayd vooar, as er gholl stiagh ayns thie ny quaallagh, marish ny ard-chaptanyn, as ard-gheiney yn ard-valley, ec sarey Festus va Paul er ny choyrt kionfenish.