1 Reeaghyn 1:3 - Yn Vible Casherick 1775 1819

³ Myr shen hir ad magh son ben-aeg aalin trooid ooilley ardjyn Israel, as hooar ad Abishag yn Shunammite, as hug ad lhieu ee gys y ree.

1 Reeaghyn 1:3 ပူးပေါင်းရင်းမြစ်များ

1 Reeaghyn 1:2

Shen-y-fa dooyrt e harvaantyn rish, Lhig da ve er ny gheddyn magh son my hiarn y ree moidyn aeg, as lhig jee shirveish er y ree, as gerjaghey eh, as lhie ayns dty oghrish, dy vod my hiarn y ree chiass y gheddyn.

1 Reeaghyn 1:4

As va’n ven-aeg feer aalin, as ren ee gerjaghey yn ree, as tendeil er: agh cha row veg echey dy yannoo r’ee.

2 Reeaghyn 4:25

Myr shen hie ee, as haink ee gys y dooinney dy Yee gys cronk Carmel. As shen myr ve, tra honnick yn dooinney dy Yee ee foddey jeh, dy dooyrt eh rish Gehazi e harvaant, Cur-my-ner, she yn Shunammite:

2 Reeaghyn 4:8

As haghyr eh er laa dy row, dy jagh Elisha gys Shunem, raad va ben ooasle; as ren ee cuirrey eh dy ghoaill beaghey. As myr shen ve, cha mennick as hie eh shaghey, dy hyndaa eh stiagh dy ghoaill beaghey.

Esther 2:2

Eisht dooyrt fir-oik y ree va shirveish er, Lhig da moidynyn aegey as aalin v’er ny gheddyn da’n ree:

Esther 2:4

As lhig da’n voidyn share by-haittin lesh y ree, ve yn ven-reïn ayns ynnyd Vashti. As va’n raa cordail rish aigney yn ree, as shen myr ren eh.

Joshua 19:18

As roie’n chagliagh ocsyn lesh Jezreel, as Chesulloth, as Shunem,

1 Samuel 28:4

As haggil ny Philistinee ad-hene cooidjagh, as hoie ad nyn gamp ayns Shunem: as haggil Saul ooilley Israel cooidjagh, as ren ad campal ayns Gilboa.