1 Reeaghyn 1:2 - Yn Vible Casherick 1775 1819

² Shen-y-fa dooyrt e harvaantyn rish, Lhig da ve er ny gheddyn magh son my hiarn y ree moidyn aeg, as lhig jee shirveish er y ree, as gerjaghey eh, as lhie ayns dty oghrish, dy vod my hiarn y ree chiass y gheddyn.

1 Reeaghyn 1:2 ပူးပေါင်းရင်းမြစ်များ

Genesis 16:5

As dooyrt Sarai rish Abram, My aggair dy row ort: ta mee er choyrt my inney-veyl gys dty oghrish: as tra honnick ee dy row ee er yiennaghtyn, ren ee beg y hoiagh jee’m: dy jean y Chiarn briwnys eddyr mish as uss.

2 Samuel 12:3

Agh cha row monney ec y dooinney boght, er-lhimmey jeh un eayn beg bwoirryn, v’eh er chionnaghey as er hroggal; as daase ee seose marish hene, as marish e chloan: d’ee ee jeh’n greme echey hene, as diu ee ass y chappan echey hene, as lhie ee ayns e oghrish, as v’ee da myr inneen.

1 Reeaghyn 1:1

Nish va’n ree David shenn as er roie dy mie ayns eash; as choodee ad eh lesh eaddeeyn, agh cha dooar eh veg y chiass.

1 Reeaghyn 1:3

Myr shen hir ad magh son ben-aeg aalin trooid ooilley ardjyn Israel, as hooar ad Abishag yn Shunammite, as hug ad lhieu ee gys y ree.

2 Recortyssyn 29:11

My chloan, ny bee-jee nish almoragh: son ta’n Chiarn er reih shiuish dy hassoo kiongoyrt rish, dy hirveish eh, dy choyrt ooashley da, as dy hebbal oural.

Esther 2:2

Eisht dooyrt fir-oik y ree va shirveish er, Lhig da moidynyn aegey as aalin v’er ny gheddyn da’n ree:

Ecclesiastes 4:11

Reesht, my ta jees lhie cooidjagh, eisht ta chiass oc; agh kys oddys fer ve cheh ny-lomarcan?

Micah 7:5

Ny treisht-jee ayns carrey, ny cur-jee nyn marrant er leeideilagh: freill dorrys dty veeal vo-eeish ta lhie ayns dty oghrish.

Deuteronomy 10:8

Ec y traa shen ren y Chiarn cloan Levi y reih, dy ymmyrkey arg chonaant y Chiarn, dy hassoo kiongoyrt rish y Chiarn, dy yannoo shirveish da, as dy vannaghey ayns yn ennym echey, gys y laa jiu.

Deuteronomy 13:6

My nee dty vraar mac dty vayrey, ny dty vac, ny dty inneen, ny ben dty oghrish, ny dty charrey, ta myr dty annym hene, miolaghey oo dy follit, gra, Lhig dooin goll, as shirveish jeeghyn joarree (nagh row enney edyr ayd hene, ny ec dty ayraghyn orroo)