1 Peddyr 5:4 - Yn Vible Casherick 1775 1819

⁴ As tra hig yn Ard-vochilley kionfenish, yiow shiu attey dy ghloyr nagh jean fioghey ersooyl.

Yn Conaant Noa 1810

⁴ As tra hig yn Ard‐vochilley kionfenish, yiow shiu attey dy ghloyr nagh jean fioghey ersooyl.

1 Peddyr 5:4 ပူးပေါင်းရင်းမြစ်များ

Psalmyn 23:1

She’n Chiarn my vochilley: shen-y-fa cha bee’m feme nhee erbee.

Isaiah 40:11

Nee eh fassaghey e hioltane myr bochilley; nee eh chaglym ny eayin lesh e roih, as ver eh lesh ad ayns e oghrish, as dy meeley adsyn ta trome y leeideil.

Ezekiel 34:23

As nee’m soiaghey un vochilley harrystoo, as nee eshyn adsyn y vassaghey, shen hene my harvaant David; nee eshyn ad y vassaghey, as bee eshyn yn bochilley ocsyn.

Ezekiel 37:24

As bee David my harvaant yn ree harrystoo; as bee yn un vochilley orroo: nee ad myrgeddin neesht gimmeeaght ayns my vriwnyssyn, as freayll my lattyssyn, as jannoo ad.

Daniel 12:3

As nee adsyn ta creeney soilshean casley rish sollyssid yn aer, ad adsyn ta chyndaa ymmodee gys cairys, myr ny rollageyn, son dy bragh as dy bragh.

Zechariah 13:7

Dooisht, O chliwe, noi my vochilley, as noi yn dooinney ta my heshey, ta Chiarn ny flaunyssee dy ghra: bwoaill yn bochilley, as bee ny kirree er ny skeayley: as chyndaa-ym my laue er y vyn-vooinjer.

Noo Ean 10:11

Mish y bochilley mie: ta’n bochilley mie cur e vioys son ny kirree.

1 Corinthianee 9:25

As dy chooilley ghooinney ta streeu son y varriaght, t’eh sheelt ayns dy chooilley nhee. Nish t’adsyn jannoo shoh dy chosney attey hed naardey, agh shinyn dy chosney attey nagh jed naardey.

2 Timothy 4:8

Veih shoh magh ta tashtit seose my chour attey dy chairys, nee yn Chiarn yn briw cairagh y chur dooys ec y laa shen: as cha nee dooys my-lomarcan, agh dauesyn ooilley myrgeddin ta graihagh er y cheet echey.

Hebrewnee 13:20

Nish dy jean Jee ny shee hug lesh reesht veih ny merriu nyn Jiarn Yeesey, ard-vochilley ny geyrragh, trooid fuill y chonaant dy bragh farraghtyn,

Jamys 1:12

S’maynrey yn dooinney ta gymmyrkey fo seaghyn; son tra vees eh er ny phrowal, yiow eh yn attey dy vea, ta’n Chiarn er ghialdyn dauesyn ta graihagh er.

1 Peddyr 1:4

Gys eiraght shickyr as casherick, as nagh vel lheïe ersooyl, kiarit ayns niau nyn gour euish,

1 Peddyr 2:25

Son va shiu myr kirree goll er-shaghryn; agh ta shiu nish er jyndaa reesht gys Bochilley as Aspick nyn anmeenyn.

1 Peddyr 5:2

Cur-jee beaghey da shioltane Yee ta ny mast’ eu, goaill y currym harrystoo, cha nee myr êginit, agh dy aggindagh; cha nee er coontey cosney naareydagh, agh jeh aigney arryltagh;

1 Ean 3:2

My chaarjyn, nish ta shin nyn gloan dy Yee, as cha lheear dooin foast cre vees mayd: agh ta fys ain, tra vees eshyn er ny hoilshaghey, dy bee mayd goll-rishyn; son nee mayd fakin eh myr t’eh.

Ashlish 1:7

Cur-my-ner, t’eh cheet lesh bodjallyn; as hee dy chooilley hooill eh, as adsyn myrgeddin ren eh y hoylley: as nee ooilley kynneeyn y thallooin dobberan kyndagh rish: myr shen dy row, Amen.

Ashlish 2:10

Ny gow aggle roish veg jeh ny reddyn shen nee oo surranse: cur-my-ner, nee yn drogh-spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver-yms dhyt attey dy vea.

Ashlish 3:11

Cur-my-ner, ta mee cheet dy tappee: cum shickyr ny t’ayd, son nagh gow dooinney erbee dty attey voïd.