1 Peddyr 4:9 - Yn Vible Casherick 1775 1819

⁹ Cur-jee oltaghey-bea yn derrey yeh da’n jeh elley fegooish mooaraghey.

Yn Conaant Noa 1810

⁹ Cur‐jee oltaghey‐bee yn derrey yeh da’n jeh elley fegooish mooaraghey.

1 Peddyr 4:9 ပူးပေါင်းရင်းမြစ်များ

Genesis 24:19

As tra v’ee er choyrt jough da, dooyrt ee, Tayrn-yms ushtey myrgeddin da dty chamelyn, derrey vees dy liooar oc.

Romanee 12:13

Rheynn gys ymmyrch ny nooghyn; arryltagh dy choyrt oltaghey-bea da troailtee.

Romanee 16:23

Ta Gaius ren oltagh-bea y choyrt dooys, as da’n slane agglish, dy vannaghey shiu. Ta Erastus stiurt yn ard-valley dy nyn mannaghey, as Quartus ta braar Creestee.

2 Corinthianee 9:7

Lhig da dy chooilley ghooinney coyrt da’n voght, myr ta e chree coyrt roish; cha nee mooaraghey, ny myr dy beagh eh êginit huggey: son shynney lesh Jee eshyn ta coyrt dy aggindagh.

Philippianee 2:14

Jean-jee dy chooilley nhee fegooish jymmoose as argane:

1 Timothy 3:2

Shegin da aspick eisht ve gyn loght, sheshey-poost un ven, tastagh, sheelt, jeh ymmyrkey-bea mie, aggindagh dy choyrt oltaghey-bea, aghtal dy ynsaghey;

Titus 1:8

Agh arryltagh dy choyrt oltaghey-bea, carrey da deiney mie, soccaragh, cairagh, crauee, sheelt;

Philemon 1:14

Agh noi dt’aigney cha jinnin nhee erbee; nagh beagh dty aigney-mie myr êginit, agh dy arryltagh.

Hebrewnee 13:16

Agh dy yannoo mie, as dy rheynn [er ny boghtyn], ny jarrood-jee: son lesh lheid ny ourallyn ta Jee er ny yannoo booiagh.

Hebrewnee 13:2

Ny jarrood-jee dy choyrt oltagh-bea da joarreeyn: son liorish ta paart er choyrt oltagh-bea da ainleyn gyn-yss daue hene.

Jamys 5:9

Ny gow-jee sproght goanlyssagh ry-cheilley, vraaraghyn, er-aggle dy bee shiu er nyn gheyrey: cur-my-ner ta’n briw shassoo ec y dorrys.