1 Peddyr 4:5 - Yn Vible Casherick 1775 1819

⁵ Shegin coontey choyrt dasyn ta aarloo dy vriwnys ny bioee as ny merriu.

Yn Conaant Noa 1810

⁵ Shegin coontey choyrt dasyn ta aarloo dy vriwnys ny bioee as ny merriu.

1 Peddyr 4:5 ပူးပေါင်းရင်းမြစ်များ

Psalmyn 1:6

Shen-y-fa cha vod ny mee-chrauee shassoo ayns y vriwnys: chamoo ny peccee ayns chaglym y sleih ynrick.

Ecclesiastes 12:14

Son ver Jee lesh dy chooilley obbyr gys briwnys, marish dy chooilley nhee follit, lhig da ve mie ny sie.

Ezekiel 18:30

Shen-y-fa neem’s shiuish y vriwnys, O hie Israel, dagh unnane cordail rish e raaidyn, ta’n Chiarn Jee dy ghra: gow-jee arrys, as chyndaa-jee shiu hene veih ooilley nyn ghrogh-yannoo: myr shen cha bee mee-chairys nyn doyrt-mow.

Noo Mian 12:36

Agh ta mee gra riu, Dy chooilley ghrogh-ockle nee deiney y loayrt, dy der ad coontey er y hon ec laa ny briwnys.

Noo Luke 16:2

As deïe eh er, as dooyrt eh rish, Kys dy vel mee clashtyn shoh jeed? cur coontey jeh dty stiurtys: son cha vod oo ve ny-sodjey dty stiurt,

Jannoo 10:42

As hug eh sarey dooin dy phreacheil gys y pobble, as dy ymmyrkey feanish dy nee eshyn, liorish oardagh Yee, ta dy ve briw ny bioee as ny merriu.

Jannoo 17:31

Er-yn-oyr dy vel eh er n’oardaghey laa ry-hoi yn seihll y vriwnys ayns cairys, liorish y dooinney shen t’eh er phointeil; as jeh shoh t’eh er chur shickyrys da dy chooilley ghooinney, ayns dy vel eh er hroggal eshyn veih ny merriu.

Romanee 14:9

Son er-y-fa shoh hooar Creest chammah baase, as dirree eh, as vio-ee eh reesht, dy voddagh eh ve Chiarn chammah ny bio as ny merriu.

2 Timothy 4:1

Ta mee cur currym ort er-y-fa shen ayns fenish Yee, as y Chiarn Yeesey Creest, nee briwnys ny bio as ny merriu ec y cheet echey, as ec e reeriaght:

Jamys 5:9

Ny gow-jee sproght goanlyssagh ry-cheilley, vraaraghyn, er-aggle dy bee shiu er nyn gheyrey: cur-my-ner ta’n briw shassoo ec y dorrys.