1 Peddyr 4:3 - Yn Vible Casherick 1775 1819

³ Son s’lioar dooin son y traa jeh nyn mea t’er n’gholl shaghey dy ve er n’yannoo aigney ny Hashoonee, choud’s ren shiu gimmeeaght ayns rouanys, sayntyn ny foalley, jooid-feeyney, cuirraghyn jollyssagh, meeiteilyn meshtyllagh, as jalloonys dwoaiagh:

Yn Conaant Noa 1810

³ Son s’lioar dooin son y traa jeh nyn mea t’er n’gholl shaghey dy ve er n’yannoo aigney ny Hashoonee, choud’s ren shiu gimmeeaght ayns rouanys, sayntyn ny foalley, jooid‐feeyney, cuirraghyn jollyssagh, meeiteilyn meshtyllagh, as jalloonys dwoaiagh:

1 Peddyr 4:3 ပူးပေါင်းရင်းမြစ်များ

2 Samuel 13:28

Nish va Absalom er churmal e harvaantyn, gra, Gow-jee tastey nish, tra vees cree Amnon gennal lesh feeyn, as tra jir-yms riu, Bwoaill-jee Amnon; eisht marr-jee eh; ny bee aggle erriu: nagh nee mish t’er n’oardaghey shiu? bee-jee creeoil, as prow-jee dunnal.

1 Reeaghyn 21:26

As ren eh gymmyrkey eh-hene feer dwoaiagh ayns geiyrt da jallooyn, cordail rish ooilley ny ren ny Amoriteyn, ad ren y Chiarn geiyrt magh kiongoyrt rish cloan Israel.

2 Recortyssyn 15:8

As tra cheayll Asa ny goan shoh, as phadeyrys Obed y phadeyr, ghow eh cree, as hug eh ersooyl ny jallooyn eajee ass ooilley cheer Yudah as Venjamin, as veih ny ard-valjyn v’eh er ghoaill veih cronk Ephraim, as ren eh altar y Chiarn y choamrey ass-y-noa, va roish porch y Chiarn.

Isaiah 28:7

Agh t’adsyn myrgeddin er n’gholl er-shaghryn liorish feeyn, as liorish jough lajer t’ad ass y raad: ta’n saggyrt as y phadeyr fo shaghrynys liorish jough lajer, t’ad baiht ayns feeyn, t’ad ass y raad liorish jough lajer; t’ad mollit ayns ashlish, t’ad leaystey ayns briwnys.

Isaiah 5:11

Smerg dauesyn ta girree ’sy vadran dy chur-rish jough lajer, as tannaghtyn ayn fud-ny-hoie, derrey ta feeyn dy chur er-rouyl ad!

Isaiah 65:4

Ta tannaghtyn fud ny oaiaghyn, as taaghey lhiaghtyn ny merriu; ta gee feill vee-lowit; as ta an-vroie cretooryn dwoaiagh ayns ny siyn oc;

Jeremiah 16:11

Eisht dy jir uss roo, Er-y-fa dy vel nyn ayraghyn er my hreigeil, ta’n Chiarn dy ghra, as son dy vel ad er n’eiyrt er jeeghyn joarree, as er hirveish ad, as er chur ooashley daue, as er hreigeil mish, as nagh vel ad er reayll my leigh’s:

Jeremiah 16:18

As hoshiaght nee’m cooilleeney dooble y ghoaill son nyn mee-chairys as nyn beccah; er-yn-oyr dy vel ad er n’yannoo my heer neu-ghlen, t’ad er lhieeney my eiraght lesh callinyn nyn reddyn feohdoil as eajee.

Ezekiel 44:6

As abbyr uss rish ny mee-viallee, eer rish thie Israel, Myr shoh ta’n Chiarn Jee dy ghra, O shiuish hie Israel s’lioar diu ooilley nyn obbraghyn eajee,

Ezekiel 45:9

Myr shoh ta’n Chiarn Jee dy ghra, S’lioar shoh diuish, O phrinceyn Israel: cur-jee veue tranlaase as spooilley, as jean-jee briwnys as cairys, trog-jee nyn laue-lajerys veih my phobble, ta’n Chiarn Jee dy ghra.

Noo Mark 7:22

Maarlys, saynt, olkys, molteyrys, rouanys, drogh hooill, goan mollaghtagh, moyrn, ommijys:

Jannoo 17:30

As er earishyn y vee-hushtey oc, cha ghow Jee kerraghey; agh nish t’eh cur sarey da dy chooilley ghooinney er feaï-ny-cruinney arrys y ghoaill:

Romanee 13:13

Lhig dooin gimmeeaght dy onneragh myr ayns y laa: cha nee ayns rouanys as meshtyrys, cha nee ayns cloie as reaïd, cha nee ayns streeu as troo:

1 Corinthianee 12:2

Ta fys eu dy row shiu nyn Ashoonyn-quaagh, er nyn goyrt lhieu ersooyl gys ny jallooyn balloo shoh, dy jarroo myr va shiu er nyn leeideil.

1 Corinthianee 6:11

As nyn lheid va paart euish: agh va shiu er nyn niee, agh va shiu er nyn gasherickey, agh va shiu er nyn seyrey ayns ennym y Chiarn Yeesey, as liorish Spyrryd yn Jee ain.

2 Corinthianee 12:21

As er-aggle tra hig-ym reesht, dy jean my Yee m’y injillaghey nyn mast’ eu, as dy bee oyr trimshey aym er coontey ymmodee ta hannah er n’yannoo peccah, as nagh vel er ghoaill arrys jeh’n neu-ghlennid, as y vaarderys, as y rouanys shen, t’ad er ny ve cur rish.

Galatianee 5:19

Nish ta obbraghyn yn eill cronnal, as shoh ad, Brishey-poosey, maarderys, neu-ghlennid, rouanys,

Galatianee 5:21

Troo, dunverys, meshtyrys, glutteraght, as y lheid: my-nyn-gione ta mee ginsh diu ro-laue, myr ta mee myrgeddin er n’insh diu ayns y traa t’er n’gholl shaghey, nagh vow adsyn ta cur rish lheid ny reddyn, reeriaght Yee ayns eiraght.

Ephesianee 5:18

As ny bee-jee er-meshtey lesh feeyn, ayn ta neu-heeltys; agh bee-jee er nyn lhieeney lesh y Spyrryd;

1 Thessalonianee 4:5

Cha nee ayns mian saynt ny foalley, goll-rish eer ny Ashoonyn-quaagh nagh vel tushtey oc dy Yee;

Titus 3:3

Son va shin hene myrgeddin keayrt dy row mee-hushtagh, mee-viallagh, ayns marranys, fo reill ymmodee yeearreeyn as eunyssyn peccoil, baghey ayns goanlys as roon, dwoaiagh, as coyrt dwoaie yn derrey yeh da’n jeh elley.

1 Peddyr 1:14

Myr cloan biallagh, cha nee cummey shiu hene cordail rish ny shenn chliaghtaghyn, ayns y vee-hushtey eu:

Jude 1:4

Son ta shiartanse dy gheiney dy steetagh er hayrtyn stiagh, nyn gour va’n vriwnys shoh roïe er ny oardaghey; deiney mee-chrauee, chyndaa grayse yn Jee ain gys rouanys, as gobbal yn ynrycan Chiarn Jee, as nyn Jiarn Yeesey Creest.