1 Peddyr 4:1 - Yn Vible Casherick 1775 1819

¹ Ayns wheesh eisht as dy vel Creest er hurranse er nyn son ayns yn eill, bee-jee shiuish myrgeddin eillit lesh yn aigney cheddin: son eshyn t’er hurranse ayns yn eill, t’eh er scuirr veih peccah;

Yn Conaant Noa 1810

¹ Ayns wheesh eisht as dy vel Creest er hurranse er nyn son ayns yn eill, bee‐jee shiuish myrgeddin eillit lesh yn aigney cheddin: son eshyn t’er hurranse ayns yn eill, t’eh er scuirr veih peccah;

1 Peddyr 4:1 ပူးပေါင်းရင်းမြစ်များ

Isaiah 1:16

Niee-jee, jean-jee glen; cur-jee ersooyl olk nyn yannoo veih my hooillyn; scuirr-jee veih’n drogh-yannoo;

Ezekiel 16:41

As nee ad dty hieyn y lostey lesh aile, as briwnyssyn y chooilleeney ort’s ayns shilley ymmodee mraane: as ver-yms ort’s dy scuirr veih dty vaarderys, as cha der uss myrgeddin faill erbee arragh.

Noo Mark 3:3

As dooyrt eh rish y dooinney lesh y laue shyrgit, Shass magh.

Romanee 6:11

Ayns yn aght cheddin jeeagh-jee shiuish neesht erriu hene dy ve marroo dy jarroo gys peccah; agh bio gys Jee, trooid Yeesey Creest nyn Jiarn.

Romanee 6:2

Ny lhig eh Jee: kys oddys shinyn ta marroo gys peccah, baghey ny-sodjey ayn?

Romanee 6:7

Son eshyn ta marroo, t’eh seyr veih peccah.

Galatianee 2:20

Ta mee er my chrossey marish Creest: Ny-yeih ta mee bio; foast cha nee mish, agh Creest ta bio aynym: as y vea ta mee nish dy vaghey ’syn eill, ta mee baghey liorish credjue Mac Yee, va graih echey orrym, as ren eh-hene y choyrt er my hon.

Galatianee 5:24

As adsyn ta lesh Creest, t’ad er chrossey yn eill, marish ny yeearreeyn as ny sayntyn.

Ephesianee 6:13

Shen-y-fa gow-jee hiu slane eilley Yee, dy vod shiu ve abyl dy hassoo magh ayns y laa seaghnagh, as lurg diu ve er yannoo ooilley, dy hassoo.

Deuteronomy 27:10

Ver oo, er-y-fa shen, biallys da coraa’n Chiarn dty Yee, as nee oo cooilleeney ooilley e oardaghyn, as e lattyssyn, ta mee dy harey dhyt y laa jiu.

Philippianee 2:5

Lhig da’n aigney shoh ve ayndiuish, va myrgeddin ayns Creest Yeesey:

Hebrewnee 12:3

Son smooinee-jee ersyn ren gymmyrkey lheid ny oltooanyn veih peccee n’oï hene, er-aggle dy jean shiu lhaggaghey er y raad, as coayl nyn gree.

Hebrewnee 4:10

Son eshyn t’er n’gholl stiagh ayns y fea echey, t’eh er scuirr myrgeddin veih e obbraghyn, myr ren Jee veih e obbraghyn hene.

1 Peddyr 2:21

Son gys shoh va shiu dy jarroo er nyn eam: er-yn-oyr dy vel Creest myrgeddin er hurranse er nyn son, faagail sampleyr dooinyn, dy jinnagh shin geiyrt er ny kesmadyn echeysyn:

1 Peddyr 3:18

Son ta Creest myrgeddin er hurranse un cheayrt son peccaghyn, yn fer-cairagh son ny mee-chairee, (dy voddagh eh shin y chur lesh gys Jee,) v’eh er ny choyrt gy-baase ayns yn eill, agh er ny vioghey liorish y Spyrryd: