1 Peddyr 3:7 - Yn Vible Casherick 1775 1819

⁷ Myrgeddin, shiuish gheiney-poost, jean-jee baghey mâroo cordail rish tushtey, coyrt onnor da’n ven myr da’n saagh s’annooinee, as myr co-eiraghyn jeh grayse y vea; nagh bee ny padjeryn eu er nyn lhiettal.

Yn Conaant Noa 1810

⁷ Myrgeddin, shiuish gheiney‐poost, jean‐jee beaghey mâroo cordail rish tushtey, coyrt onnor da’n ven myr da’n saagh s’annooinee, as myr co‐eiraghyn jeh ghrayse y vea; nagh bee ny padjeryn eu er nyn lhiettal.

1 Peddyr 3:7 ပူးပေါင်းရင်းမြစ်များ

Lioar Yob 42:8

Shen-y-fa gow-jee nish hiuish shiaght dew as shiaght reaghyn, as immee-jee gys my harvaant Job, as cheb-jee seose er nyn son hene oural-losht; as nee my harvaant Job padjer y ghoaill er nyn son, son eshyn neem’s soiaghey jeh; er-aggle dy dellym riu rere nyn ommijys, ayns wheesh as nagh vel shiu er loayrt my-mychione’s shen ny ta cairagh, myr ta my harvaant Job.

Noo Mian 18:19

Reesht ta mee gra riu, my nee jees jiuish coardail er y thalloo ’syn un aghin, bee nyn aghin er ny chooilleeney liorish my Ayr t’ayns niau.

1 Corinthianee 7:3

Lhig da’n dooinney coyrt da’n ven kenjallys cooie: as myrgeddin yn ven da’n sheshey eck.

Ephesianee 3:6

Dy row ny Ashoonyn-quaagh dy ve co-eiraghyn, as jeh’n un chorp, as dy ghoaill ayrn cooidjagh jeh e ghialdyn ayns Creest, liorish y sushtal:

Ephesianee 4:30

As ny cur-jee corree er Spyrryd casherick Yee, liorish ta shiu cowrit gys laa yn livrey-ys eu.

Ephesianee 5:33

Ny-yeih, lhig da dagh unnane euish er-lheh myr shen graih y choyrt da e ven dy jarroo myr da hene; as jeeagh dy der y ven arrym da e sheshey.

Ephesianee 6:18

Guee dy kinjagh lesh dy chooilley phadjer as accan ayns y Spyrryd, as gys shoh er nyn arrey lesh slane tannaghtyn as aghin son ooilley ny nooghyn;

Colossianee 3:19

Gheiney-poost, cur-jee graih da ny mraane eu, as ny bee-jee sharroo nyn ’oï oc.

1 Thessalonianee 4:4

Dy lhisagh fys ve ec dagh unnane eu kys dy reayll e chorp ayns glennid as onnor;

Titus 3:7

Er ny heyrey liorish e ghrayse, dy voddagh shin ve jeant nyn eiraghyn cordail rish treishteil yn vea veayn.

Hebrewnee 1:14

Nagh nee spyrrydyn shirveishagh ad ooilley er nyn goyrt magh dy hirveish orroosyn vees eiraghyn dy haualtys?

1 Peddyr 3:1

Myrgeddin, shiuish vraane-poost, bee-jee ayns biallys da ny sheshaghyn eu; my ta veg jeusyn nagh vel biallagh da’n goo, dy vod ad myrgeddin fegooish y goo ve er ny chosney liorish ymmyrkey-bea ny mraane.