1 Peddyr 3:4 - Yn Vible Casherick 1775 1819

⁴ Agh lhig da ve yn dooinney follit ’sy chree, ayns shen nagh jed naardey, dy jarroo yn coamrey dy spyrryd meen as feagh, ta mooar soit jeh ayns shilley Yee.

Yn Conaant Noa 1810

⁴ Agh lhig da ve yn dooinney follit ’sy chree, ayns shen nagh jed naardey, dy jarroo yn coamrey dy spyrryd meen as feagh, ta mooar soit jeh ayns shilley Yee.

1 Peddyr 3:4 ပူးပေါင်းရင်းမြစ်များ

Psalmyn 131:2

Cha vel mee goaill orrym dy loayrt jeh cooishyn mooarey: ta erskyn roshtyn my hushtey.

Psalmyn 147:6

Ta’n Chiarn soiaghey seose yn vooinjer imlee: as coyrt sheese ny mee-chrauee kiart rish y thalloo.

Psalmyn 149:4

Son ta taitnys ec y Chiarn ayns e phobble: as t’eh cooney lhieusyn ta jeh cree imlee.

Psalmyn 25:9

Ta ooilley raaidyn y Chiarn myghin as firrinys: da lheid as ta freaylley e chonaant as e leighyn.

Psalmyn 45:13

As bee inneen Tyre ayns shen lesh gioot: myr nee ny berchee myrgeddin mast’ yn pobble nyn aghinyn y yannoo kiongoyrt rhyt.

Psalmyn 51:6

Agh cur-my-ner, t’ou shirrey firrinys ayns ny ayrnyn er cheu-sthie: as ver oo orrym toiggal creenaght dy follit.

Isaiah 11:4

Agh lesh cairys nee eh briwnys yn hoght, as ver eh oghsan lesh corrymid son imlee yn theihll: as bwoaillee eh yn thalloo lesh slatt e veeal, as lesh ennal e veillyn stroie-ee eh ny mee-chrauee.

Isaiah 29:19

Nee yn vooinjer imlee myrgeddin bishaghey nyn moggey ayns y Chiarn, as nee ny boghtyn mastey deiney boggey ’ghoaill ayns Jee casherick Israel.

Isaiah 57:15

Son shoh myr ta’n Jee smoo ard as ooasle dy ghra, eer eshyn ta cummal ayns beaynid dy bragh farraghtyn, e ennym ta Casherick; Ta mee cummal ’syn ynnyd ard as casherick, mârishyn myrgeddin ta jeh spyrryd imlee arryssagh, dy gherjaghey spyrryd ny imlee, as dy gherjaghey cree ny accryssee.

Isaiah 61:1

Ta Spyrryd y Chiarn Jee orrym; er-yn-oyr dy vel y Chiarn er m’ooilaghey dy phreacheil naightyn mie da ny imlee: t’eh er my choyrt dy lheihys ny creeaghyn brisht, dy ockley magh reamys da ny cappee, as fosley’n phryssoon da ny geuleydee;

Jeremiah 51:59

Yn goo hug Jeremiah yn phadeyr ayns currym da Seraiah mac Neriah, mac Vaaseiah, tra hie eh marish Zedekiah ree Yudah gys Babylon, ’sy chiarroo vleïn jeh e reill. As va Seraiah shoh ny ard-shamyrder reeoil.

Noo Mian 11:29

Gow-jee my whing erriu, as ynsee-jee voym’s, son ta mee meen as imlee ayns cree: as yiow shiu fea da nyn anmeenyn.

Noo Mian 21:5

Insh-jee da inneen Sion, Cur-my-ner, ta dty ree cheet hood dy imlee, as ny hoie er assyl, as er lhiy sharragh assyl.

Noo Mian 23:26

Pharisee ghoal, glen hoshiaght cheu-sthie yn chappan as y chlaare, dy vod y cheu-mooie ve glen myrgeddin.

Noo Mian 5:5

Bannit t’adsyn ta meen-surransagh: son bee yn thalloo oc ayns eiraght.

Noo Luke 11:40

Gheiney vee-cheeayllagh, nagh nee eshyn ren y cheu-mooie, ren y cheu-sthie myrgeddin?

Noo Luke 16:15

As dooyrt eh roo, Shiuish yn vooinjer ta dy heyrey shiu hene kiongoyrt rish deiney: agh ta fys ec Jee er ny creeaghyn eu: son ta shen ta dy mooar soit jeh mastey deiney, feohdoil ayns shilley Yee.

Romanee 1:23

As cheaghil ad gloyr y Jee nagh vod goll naardey, gys jalloo casley rish dooinney ta goll naardey, as eeanlee, as beïyn kiare-chassagh, as beishteigyn.

Romanee 2:29

Agh t’eshyn ny Ew, ta fer er cheu-sthie; as ta’n giarey-chymmylt [firrinagh shen] jeh’n chree, ayns y spyrryd, as cha nee ayns y letter, yn moylley echey cha vel veih deiney, agh veih Jee.

Romanee 6:6

Toiggal shoh, dy vel y chenn ghooinney ain er ny chrossey mârish, dy voddagh corp peccah ve er ny stroie, nagh jinnagh shin ny sodjey peccah y hirveish.

Romanee 7:22

Son ta taitnys aym ayns leigh Yee, cordail rish y dooinney er cheu-sthie.

2 Corinthianee 10:1

Nish ta mish Paul mee hene guee erriu, liorish meenid as meiyghys Chreest, mish ta dy yeeaghyn orrym pene fardalagh nyn mast’ eu, agh dunnal tra ta mee veue.

2 Corinthianee 4:16

Son yn oyr shen cha vel shin lhiggey nyn gree voïn, agh ga dy vel y dooinney ain er cheu-mooie goll naardey, foast ta’n dooinney er cheu-sthie er ny niartaghey laa lurg laa.

Galatianee 5:23

Meenid, sheeltys: noi nyn lheid cha vel leigh erbee.

Ephesianee 4:2

Ayns dy chooilley injillid as meenid, lesh surranse-foddey, gymmyrkey yn derrey yeh lesh y jeh elley ayns graih;

Colossianee 3:12

Cur-jee erriu er-y-fa shen (myr cloan reiht Yee, casherick as graihagh) meeaghyn dy vyghin, kenjallys, injillid-aigney, meenid, surranse-foddey;

Colossianee 3:3

Son ta shiu marroo, as ta’n vea eu follit marish Creest ayns Jee.

1 Thessalonianee 4:11

As dy jean shiu kiarail y ghoaill dy ve feagh, as dy yannoo nyn obbyr hene, as dy laboragh lesh nyn laueyn hene (myr ta shin er harey shiu)

2 Thessalonianee 3:12

Nish dauesyn ta nyn lheid ta shin cur sarey, as raaue liorish nyn Jiarn Yeesey Creest, dy jean ad gobbraghey dy feagh, as gee yn arran oc hene.

1 Timothy 2:2

Son reeaghyn, as son ocsyn ooilley ta ayns ard-reill; dy vod mayd leeideil bea feagh as sheeoil ayns dy chooilley chraueeaght as ynrickys.

2 Timothy 2:25

Ayns meenid gynsaghey adsyn ta shassoo magh; my saillish Jee arrys y chur daue gys goaill-rish yn irriney;

Titus 3:2

Nagh loayr ad olk jeh dooinney erbee, dy ve sheeoil, imlee, soilshaghey dy chooilley veenid da dagh unnane.

Jamys 1:21

Shen-y-fa cur-jee dy lhiattee dy chooilley neu-ghlennid, as rouyr dy olkys, as gow-jee lesh meenid yn goo ta fraueit ayndiu, ta fondagh dy hauail nyn anmeenyn.

1 Peddyr 1:23

Myr ta shiu ruggit reesht, cha nee jeh rass hed naardey, agh jeh rass nagh jed naardey, liorish goo Yee, ta bio as tannaghtyn son dy bragh.

1 Peddyr 3:15

Agh jean-jee yn Chiarn Jee y chasherickey ayns nyn greeaghyn: as bee-jee kinjagh aarloo dy chur ansoor da dy chooilley ghooinney ta shirrey oyr son y treishteil t’ayndiu, lesh meenid as arrym:

1 Samuel 16:7

Agh dooyrt y Chiarn rish Samuel, Ny jeeagh er e eddin, ny cre cha thollee t’eh; son dy vel mee er n’obbal eh; son cha vel y Chiarn fakin, myr ta dooinney fakin; son ta dooinney briwnys cordail rish ny t’eh fakin, agh ta’n Chiarn fakin y cree.