1 Peddyr 3:3 - Yn Vible Casherick 1775 1819

³ Yn soiaghey magh eu ayns nyn goamrey ny lhig da ve shen er y cheu-mooie jeh fee yn folt, ny ceau airh, ny cur erriu coamrey [moyrnagh]:

Yn Conaant Noa 1810

³ Yn soiaghey magh eu ayns nyn goamrey ny lhig da ve shen er y cheu‐mooie jeh fee yn folt, ny ceau airh, ny cur erriu coamrey [moyrnagh]:

1 Peddyr 3:3 ပူးပေါင်းရင်းမြစ်များ

Genesis 24:22

As haink eh gy-kione, tra va ny camelyn erreish giu, dy ghow yn dooinney jewel cleayshey dy airh jeh trimmid lieh shekel, as daa vracelet son ny laueyn eck, va towse jeih shekelyn dy airh.

Genesis 24:47

As dênee mee j’ee, as dooyrt mee, Quoi da inneen oo? As dreggyr ee, Inneen Vethuel, mac Nahor, eh ren Milcah y ymmyrkey da: as hug mee yn jewel cleayshey er e kione, as ny braceletyn er e laueyn.

Genesis 24:53

As hug y stiurt magh jewellyn argid, as jewellyn airh, as garmadyn, as livrey eh ad da Rebekah: hug eh myrgeddin da’n vraar as y voir eck cowraghyn costal.

2 Reeaghyn 9:30

As tra va Jehu er jeet gys Jezreel, cheayll Jezebel jeh; as hug ee paint er e eddin, as vreid ee e kione, as yeeagh ee magh er uinniag.

Esther 5:1

Nish haink eh gy-kione er y trass laa, dy dug Esther urree e coamrey reeoil, as hass ee ayns y chooyrt sodjey stiagh jeh thie yn ree, jeeragh er thie yn ree: as va’n ree ny hoie er e stoyl-reeoil ayns thie yn ree, jeeragh er giat y thie.

Psalmyn 45:9

Ta ooilley dty gharmadyn soaral jeh myrrh, aloes, as cassia: magh ass ny plaaseyn ivory, lhieu t’ad er dty yannoo gennal.

Exodus 3:22

Agh nee dy chooilley ven geeasagh veih e naboo, as veih ish t’er e joarreeaght ayns y thie eck, jewellyn argid, as jewellyn airh, as coamrey: as ver shiu ad er nyn mec, as er nyn inneenyn; as nee shiu spooilley ny Egyptianee.

Exodus 32:2

As dooyrt Aaron roo, Gow-jee ny fainaghyn airh t’ayns cleayshyn nyn mraane, nyn mec, as nyn inneenyn, as cur-jee lhieu ad hym’s.

Exodus 33:4

As tra cheayll y pobble yn skeeal trimshagh shoh, ren ad dobberan; as cha dug dooinney erbee er e choamrey-feailley.

Exodus 35:22

As haink ad chammah deiney as mraane, whilleen as va jeh cree feoilt, as hug ad lhieu braceletyn, as fainaghyn-cleayshey, as fainaghyn, as broachyn, ooilley jewellyn airhey: as ren dy chooilley ghooinney chebbal oural airh gys y Chiarn.

Exodus 38:8

As ren eh yn tobbyr-oonlee dy phrash, as e stoyl fo dy phrash, jeh ny plaityn prashey sollys va son looking-glessyn ec ny mraane, va cheet cooidjagh dy choyrt ooashley ec dorrys y chabbane-agglish.

Isaiah 52:1

Dooisht oo, dooisht oo; cur mood dty niart, O Zion; cur mood dty gharmadyn aalin, O Yerusalem, yn ard-valley casherick: veih shoh magh cha jig ny smoo stiagh aynyd’s ny chymmyltee as y neu-ghlen.

Isaiah 61:10

Goyms mooarane boggey ayns y Chiarn, bee my annym gerjoil ayns my Yee: son t’eh er my choamrey lesh ny garmadyn dy haualtys, t’eh er my choodaghey lesh coamrey reeoil dy chairys, myr ta dooinney-poosee soiaghey magh eh-hene lesh coamrey aalin, as myr ta’n ven-phoosee soiaghey magh ee hene lesh e jewellyn.

Jeremiah 2:32

Vod moidyn jarrood e coamraghyn aalin? ny ben y phoosee e stoamid? ny-yeih ta my phobble er yarrood mish laghyn erskyn-earroo.

Jeremiah 4:30

As tra t’ou er dty roostey, cre oddys oo jannoo? Ga dy vel oo coamrey oo hene lesh crimson, ga dy vel oo soiaghey magh oo hene lesh aalid airh, ga dy vel oo caghlaa cummey dty eddin lesh paint, ayns fardail t’ou soiaghey magh oo hene dy stoamey; nee dty gheiney-sooree beg y hoiaghey jeed, nee ad shirrey dty vioys.

Ezekiel 23:40

As ny-sodjey, dy vel shiu er chur fys er deiney dy heet veih foddey, hucsyn va chaghter er ny choyrt; as cur-my-ner, haink ad: er nyn son, ren oo oo-hene y oonlagh, phaint oo dty hooillyn, as hoie oo magh oo hene dy stoamey.

Romanee 12:2

As ny jean-jee shiu hene y chummey gys y theihll shoh; agh bee-jee er nyn gaghlaa ayns y cummey noa jeh nyn aigney, dy vod shiu prowal cre ta’n aigney shen dy Yee ta mie as booisal da, as dy slane casherick.

1 Peddyr 3:2

Tra t’ad cur-my-ner yn ymmyrkey sheelt eu ayns aggle Yee.