1 Peddyr 2:6 - Yn Vible Casherick 1775 1819

⁶ Shen-y-fa myrgeddin te raït ayns goo Yee, Cur-my-ner, ta mee soiaghey ayns Sion ard-chlagh chorneilagh, reiht, costal: as eshyn ta credjal aynsyn cha bee eh mollit.

Yn Conaant Noa 1810

⁶ Shen‐y‐fa myrgeddin te rait ayns goo Yee, Cur‐my‐ner, ta mee soiaghey ayns Sion ard‐chlagh chorneilagh, reiht, costal: as eshyn ta credjal aynsyn cha bee eh mollit.

1 Peddyr 2:6 ပူးပေါင်းရင်းမြစ်များ

Genesis 49:24

Agh chum e vhow lesh niart, as va roihaghyn e laueyn er nyn niartaghey, liorish laueyn Yee niartal Yacob: veih shen ta’n vochilley, creg Israel.

Psalmyn 40:14

Ny tayrn dty vyghin ersooyl voym, O Hiarn: lhig da dty chenjallys-ghraihagh as dty irriney dy kinjagh mish y choadey.

Psalmyn 89:19

Son ta’n Chiarn nyn vendeilagh: ta’n Er Casherick dy Israel nyn Ree.

Isaiah 28:16

Shen-y-fa shoh myr ta’n Chiarn Jee dy ghra, Cur-my-ner, ta mee soiaghey ayns Zion son undin, clagh, clagh phrowit, clagh-chorneilagh costal, undin shickyr: ersyn ta credjal cha bee oyr nearey.

Isaiah 41:11

Cur-my-ner, bee nearey as atchim orroosyn ooilley ta ayns noidys rhyt: bee ad gyn veg; as nee adsyn ta streeu rhyt cherraghtyn.

Isaiah 42:1

Cur-my-ner my harvaant, ta mee dy niartaghey; my er-reiht, ayn ta my annym goaill taitnys: ta mee er choyrt my Spyrryd ersyn; ver eh magh briwnys gys ny ashoonee.

Isaiah 46:13

Ver-ym lhiam my ynrickys er-gerrey; cha bee eh foddey jeh, as cha jean my haualtys cumrail; as soie-yms saualtys ayns Zion cour Israel my ghloyr.

Isaiah 50:7

Son nee yn Chiarn Jee cooney lhiam; shen-y-fa cha gaill-ym my chree: er-yn-oyr shoh ta mee er hoiaghey my eddin myr y chlagh-flint, as ta fys aym nagh bee oyr nearey orrym.

Isaiah 54:4

Ny gow aggle; son cha bee oyr nearey ort: chamoo bee uss er dty chastey; son cha bee oyr nearey ort: son nee oo jarrood nearey dty aegid, as cha gooinee oo ny smoo er oltooan dty stayd-treoghe.

Daniel 10:21

Agh neem’s soilshaghey dhyt shen ta scruit ayns lioar yn ynrickys; as cha vel unnane ta niartaghey eh-hene mârym ayns ny cooishyn shoh, agh Michael yn prince euish.

Zechariah 10:4

Magh veihsyn haink yn chorneil, veihsyn haink yn treiney, veihsyn yn bow-chaggee, veihsyn dagh tranlaasagh dy cheilley.

Noo Mian 12:18

Cur-my-ner, my hirveishagh hene ta mee er reih, my er-graihagh hene, eer taitnys my anmey: ver-yms yn spyrryd aym’s ersyn, as soilshee eh briwnys da ny Ashoonee.

Noo Mark 12:10

Nagh vel shiuish er lhaih ayns goo Yee? Ta’n chlagh ren ny masoonee y vee-lowal, er jeet dy ve yn ard chlagh-chorneilagh.

Noo Luke 20:17

As yeeagh eh orroo, as dooyrt eh, Cre shoh eisht ta scruit, Ta’n chlagh ren ny masoonee y vee-lowal, er jeet dy ve yn ard-chlagh chorneilagh?

Noo Luke 23:35

As va’n pobble nyn shassoo cur-my-ner: as mâroo ren ny fir-reill myrgeddin gannidys er, as gra, Haue eh feallagh elley; lhig da eh-hene y hauail my she Creest fer reiht Yee eh.

Noo Ean 7:38

Eshyn ta credjal aynym’s, myr ta’n scriptyr er ghra, Ass y chree echeysyn roie-ys strooanyn dy ushtey bio.

Jannoo 1:16

Gheiney as vraaraghyn, beign da’n scriptyr shoh ve cooilleenit, ren y Spyrryd Noo phadeyrys liorish beeal Ghavid mychione Yuaase, va ny leeideilagh dauesyn ghow Yeesey.

Romanee 10:11

Son ta’n scriptyr gra, Quoi-erbee ta credjal ersyn, nagh bee eh er ny choyrt gys nearey.

Ephesianee 1:4

Cordail myr t’eh er reih shinyn aynsyn, roish my va’n seihll er ny chroo, dy beagh shin casherick as gyn loght kiongoyrt rishyn ayns graih:

Ephesianee 2:20

As troggit er undin ny ostyllyn as phadeyryn, Yeesey Creest hene yn ard chlagh-chorneilagh;

2 Timothy 3:16

Ta ooilley’n scriptyr er ny choyrt liorish bree Spyrryd casherick Yee, as te vondeishagh son ynsagh, son oghsan, son lhiasaghey-bea, son tushtey ayns ynrickys:

1 Peddyr 2:4

Cheet huggeysyn, myr gys clagh bio, mee-lowit dy jarroo liorish deiney, agh reiht liorish Jee, as deyr,

1 Peddyr 2:8

As clagh son snapperal, as creg son tuittym er, dy jarroo dauesyn ta snapperal ec y goo, myr t’ad mee-viallagh, gys shen v’ad myrgeddin er nyn bointeil.

2 Peddyr 1:20

Toiggal shoh hoshiaght, nagh vel phadeyrys erbee jeh’n scriptyr cheet veih aigney dooinney hene.

2 Peddyr 3:16

Myr t’eh myrgeddin ayns ooilley ny screeunyn echey, loayrt ayndoo jeh ny reddyn shoh: nyn mast’ oc ta paart jeu doillee dy ve er nyn doiggal, t’adsyn ta mee-hushtagh as lhag-chredjuagh cassey, myr t’ad myrgeddin ny scriptyryn elley, gys y toyrt-mow oc hene.